‘Vitoria-Gasteiz’ sariek Naroa Zubillaga eta Irene Hurtado de Saratxo saritu dituzte haur- eta gazte-literaturako euskarazko itzulpen onenengatik

Naroa Zubillaga Gómez eta Irene Hurtado de Saratxo Mendieta itzultzaileek irabazi dute haur- eta gazte-literaturako lanen euskarazko itzulpenik onenen Vitoria-Gasteiz sarien hogeita bigarren edizioa. Aurten, guztira, 15 lan aurkeztu dira, lau gazteen kategorian eta hamaika haurren kategorian. Sariak Euskararen Udal Zerbitzuak ematen ditu, eta kategoria bakoitzeko 9.000 eurokoak izan dira.

Hala, eta ildo horretatik jarraituz, haurren kategorian, epaimahaiak Naroa Zubillaga Gómezen Zipotz lanaren itzulpena saritu du. Naroak Josephine Mark idazle alemaniarrarenaren lana itzuli du aurten. Iaz ere gazte literaturaren kategorian irabazi zuen itzultzaile onenaren saria.

BIGARREN SARIA

Bestalde, Irene Hurtado de Saratxo Mendietak gazteen kategoriako saria lortu du Itsaso gaziaren balada bat lanaren itzulpenagatik. Hugo Pratt komikigile italiarrak sortutako Corto Maltese sagaren lehen albuma da.

Maider Etxebarria alkateak eman ditu sariak, Izaskun Arrue Kulturgunean egindako ekitaldian. Ekitaldi horretan, Udaleko talde politikoek Euskararen Nazioarteko Eguna (abenduak 3) dela eta prestatutako Erakunde mailako Adierazpena irakurri dute. Testua, ‘Euskara Zugan, Nigan, Gugan’ izenekoa, joan den astelehenean, abenduaren 1ean, onartu zen Bozeramaileen Batzordean.

Bestalde, beste gai batzuekin jarraituz, AENKOMER Arabako Merkataritza eta Zerbitzuetako Enpresarien Federazioak, Vitoria-Gasteizko Udalarekin, Arabako Foru Aldundiarekin eta Vital Fundazioarekin elkarlanean, hirugarren aldiz jarri du abian Gabonetako Azoka Florida parkean.

Ekimena aurkeztu dute Gasteizko Ekonomia Sustapen, Enplegu, Merkataritza eta Turismo zinegotzi María Nanclaresek; Enplegu, Merkataritza eta Turismoko foru-diputatuak, Felipe Garcíak; eta AENKOMEReko zuzendariak, Edurne Parrok.