Oskarbi egongo da eta tenperaturak gora egingo du asteartean

Euskalmet euskal meteorologia agentziaren iragarpenaren arabera, asteartean, urriaren 7an, oskarbi egongo da eta tenperaturak gora egingo du berriro ere. Goizean goiz behe-lainoa sortuko da, baina gainerako orduetan giro eguzkitsua gailenduko da. Haizeak hegoaldetik joko du egunaren lehen partean, eta brisa ibiliko da arratsaldean.

Tenperatura maximoak 24-28 gradu artekoak izango dira. Hiriburuetan, Baionan 10 gradu espero dira gutxienez eta 25 gehienez, Bilbon 11 gutxienez eta 25 gehienez, Donostian 10 gutxienez eta 24 gehienez, Gasteizen 5 gutxienez eta 26 gehienez eta Iruñean 7 gutxienez eta 27 gehienez.

Itsasbazterrean hego/hego-ekialdeko haizea ibiliko da 3ko indarrarekin eta 4ko tarteekin, eguerditik aurrera ipar-osagaikoa 2-3koarekin, eta gauean mendebaldekoa 3koarekin; itsaso kizkurra eragingo du, itsaskirriko guneekin. Ipar-mendebaldeko hondoko itsasoak 0,5-1 metro inguruko olatuak altxatuko ditu. Itsasgorak 05:18an eta 17:35ean izango dira, eta itsasbehereak 11:19an eta 23:41ean. Uraren tenperatura 19 gradukoa da eta ikuspena hamar kilometrotik gorakoa izango da.

BALORAZIOA

"Goizean lanbroa eta lainoa agertuko dira. Zerua hodei gutxirekin egongo da, goi-hodeien tarte batzuekin goizaldean eta egunaren amaieran. Hego/hego-ekialdeko haize ahul-bizia ibiliko da, bolada gogor batzuekin mendi inguruetan; arratsaldean brisa ibiliko da. Arratsalde erditik aurrera haizeak mendebal/ipar-mendebaldera egin dezake eta ahul-bizi ibili. Tenperatura minimoetan aldaketarik ez edo gutxi igoko dira eta maximoak nahikoa igoko dira".