Hodeiak eta ostarteak astelehenean

Euskalmet euskal meteorologia agentziaren iragarpenaren arabera, astelehenean, uztailaren 21ean, hodeiak eta ostarteak tartekatuko dira. Frontea igaro ondoren, ipar partean oraindik zerua hodeitsu agertuko da eta baliteke goizaldean eta goizean goiz zirimiria egitea, baina, oro har, gainerako orduetan hodeiak eta ostarteak tartekatuko dira Kantauri isurialdean eta Mediterraneo isurialdean giroa argiagoa izango da.

Ipar-mendebaldeko eta iparraldeko haizea ibiliko da eta tenperatura maximoak apur bat igo daitezke. Hiriburuetan, Baionan 16 gradu espero dira gutxienez eta 24 gehienez, Bilbon 17 gutxienez eta 24 gehienez, Donostian 15 gutxienez eta 23 gehienez, Gasteizen 12 gutxienez eta 24 gehienez eta Iruñean 14 gutxienez eta 26 gehienez.

Itsasbazterrean mendebal-osagaiko haizea ibiliko da 3ko indarrarekin eta goizean goiz ipar-mendebaldera aldatuko da 3-4koarekin, eta arratsalde-gauetik aurrera 2-3koarekin; itsaskirria eragingo du, goizean eta arratsaldean itsaskiko guneekin.

Ipar-mendebaldeko hondoko itsasoak 2-2,5 metro arteko olatuak altxatuko ditu, eta arratsalde-gauetik aurrera 1,5-2 metrokoak. Itsasgorak 02:08an eta 14:41ean izango dira, eta itsasbehereak 08:09an eta 20:48an. Uraren tenperatura 23 gradukoa da eta ikuspena hamar kilometrotik gorakoa izango da.

BALORAZIOA

"Goiz-lanbroa. Zerua tarteka hodeitsu egongo da, bereziki Kantauri isurialdean. Egunaren lehengo partean baliteke Kantauri isurialdean euri txikia egitea, bereziki goizaldean eta kostaldean. Mendebal-osagaiko haize ahul-bizia ibiliko da, goizean goiz ipar-mendebaldetik finkatu eta ahul-bizi ibiliko da, bolada gogor batzuekin; arratsaldean iparraldetik finkatuko da. Tenperatura minimoak gutxi jaitsiko dira eta maximoetan aldaketarik ez edo gutxi igoko dira".