Gasteizko Udal Musika Bandaren denboraldiko abonuak 24 ordutan agortu dira

Gasteizko Udal Musika Bandak 2024-2025eko denboraldirako abonuak jarri zituen salgai joan den uztailaren 23an, eta 24 ordu pasa eta gero eskuragarri zeuden 536 abonamenduak salduta zeuden jada.

Kontzerturen batera joan nahi dutenek beste aukera bat izango dute irailaren 12an, sarrerak salgai egongo baitira 17:30etik aurrera

Edonola ere, Gasteizko Udaletik jakinarazi dutenez, kontzerturen batera joan nahi dutenek beste aukera bat izango dute irailaren 12an, sarrerak salgai egongo baitira 17:30etik aurrera leihatilan eta webgunean.

'Egizu!' du izena Gasteizko Udal Musika Bandaren denboraldi berriak

'Egizu!' du izena Gasteizko Udal Musika Bandaren denboraldi berriak, eta hamar kontzertu eskainiko ditu irailetik maiatzera, 2023-2024 denboraldian baino hiru gehiago. Aldaketarik garrantzitsuena, berriz, kokapena izango da, Principal Antzokia eraberritzeko lanak direla eta, Europa jauregiko Maria de Maeztu auditoriuma izango baita erreferentziazko agertokia.

Bestalde, Udaleko beste gai batzuekin jarraituz, Vitoria-Gasteizko Udalak eta Arabako Foru Aldundiak osatzen duten Larrialdietarako Arabako Funtsak 25.850 euro El Salvadorreko La Paz Oeste eta La Paz Centro udalerrietako biztanleentzako premia handiko laguntza emateko bideratzea onartu du. Hain zuzen ere, herrialde horrek ekaitz tropikalak jasan ditu eta horiek uholde handiak, lur-saturazioa eta etxebizitzak lurrera erortzea eragin dituzte.

Ekainaren 17an, Batzar Legegileak eskualdean larrialdi-egoera nazionala dekretatu zuen 15 egunez bi ekaitz tropikal haiek zirela eta. Gainera, gehiegizko ur-pilaketaren ondorioz, denge-kasuak igo egin ziren eta alerta epidemiologikoa dekretatu behar izan zuten.