Noiz utziko dio Euriari egiateari, Titapia eta Lilith and Dalila Arabako Off Local antzerki irekiaren hiru eszena-proposamenak dira, eta elkarrekin antzeztuko dira, bata bestearen atzetik, bihar eta ostiralean 19:00etan eta 20:00etan, eta 23 eta 24an, 12:00etan eta 13:00etan Ibaiondo Gizarte Etxean. Ordubeteko ikuskizun eszeniko honetarako sarrerak 12 euro balio du eta ohiko saltokietan lor daitezke.

Hala, Udalaren Antzoki Sareak Off Local zikloaren lehen atala aurkeztu zuen atzo, Gasteizko Nazioarteko 46. Antzerki Jaialdiaren barruan. Sarearen arduradun Marta Monfortek hitza eman zien Arrapala taldeko kide Iratxe Gallardo eta Anaiz Mendiboureri eta Piszifaktoria Laborategia taldeko kide Mikel Aylloni, beren proiektuak azal zitzaten. Ildo beretik, Arrapalak Titapia lana eskainiko du; Piszifaktoria Laborategiak, Noiz utziko dio euria egiteari, eta La Claqueta konpainiak, Lilith and Dalila. Hiru piezak elkarren segidan antzeztuko dira. “Atsegina da Off Local programan parte hartzea. Parte hartzen dugun hirugarren aldia da, eta guretzat pribilegioa da”, esan zuen Mikel Ayllonek. Azaldu zuenez, ikuskizuna gizarte etxearen kanpoaldean girotuko da, ez barnealdean, ibilbide dramatiko batean originaltasuna bilatuz. Izan ere, bere lanaren izenburua Noiz utziko dio euria egiteari da eta Thelma eta Louiseri buruz ari da. “Demagun Thelma eta Louise Ibaiondoko biribilgune batean galdu zirela, Grand Canyonera bidean, 66ko Thunderbird kabriolet berdean. Demagun, oharkabean, ekaitz amaigabe bat eta pandemia bat iritsi zirela eskutik helduta. Aterkien eta maskaren azpian ezkutatuta nabarmendu gabe ibiliko ziren hara eta hona Louise eta Thelma. Azkenean, ematen du ateri dela eta berreskuratu dugula aurpegi osoa kaletik ibiltzeko. Baina utzi al dio zinez euria egiteari?”, da obra honen istoria. “Pandemia gainditu ondoren geratzen zaigun gizarteari buruz hausnartu nahi dugu”, azaldu du.

Bestalde, Titapiari buruz Arrapalatik, Iratxe Gallardo eta Anaiz Mendibourek azaldu zutenez, eguneroko gizarteko gai garrantzitsu bati buruz eztabaidatu nahi dute: amatasunari buruz. Izan ere, Titapiak amatasunari aurrez aurre begiratzen dio. “Nekane eta Bakartxo tabua hausten ausartuko dira emakumeek bizi duten alde gogor eta ez hain erakargarria plazaratuz. Haien bizipenak zintzotasunez partekatuko dituzte, norberaren ezinegon eta kezkez sakonki mintzatuko dira eta, bereziki, beren buruez egingo dute barre, hori baita askotan terapiarik onena”, azaldu zuten biek. “Gure pentsamendu eta esperientzietatik sortutako testua da”, erantsi zuen Iratxek.

Azken lana La Claquetako Lilith & Dalila da. Lilith eta Dalila maitasun ezaren errepidean elkar topo egiten duten emakume biren arteko istorioa da. “Ordu laurden baten zehar, bizi osoko amodioaren laburpena eskeiniko digute. Badago modurik maitasuna edo maitasun eza hamabost minututan azaltzeko? Gure iritziz bai, badago”, azpimarratu zuten. Lan horiek aurkeztu ondoren, Marta Monfort Antzokien Udal Sareko arduradunak hiru lan horiek eta hiru taldeek egindako ahalegina eskertu zituen eta egindako gogo bizia eta lana goraipatu zituen. Ildo horretan, lan horiek maila handikoak direla eta horientzat ezinbestekoa dela tokian tokiko lanei laguntzea, parte-hartzaileen hazkunde pertsonal eta profesionalari laguntzeko ere nabarmendu zuen aurkezpena bukatu eta gero.

“Gure pentsamendu eta esperientzietatik sortutako testua sortu dugu”

Arrapala taldeko kidea

“Atsegina da Off Local programan parte hartzea. Hirugarren aldia da guretzat”

Piszifaktoria Laborategia