Abenturaz betetako bidaia

Katixa Agirre idazle eta kazetariak Amaia Lapitz-en abenturen edizio berria aurkeztu du; hirugarrena, hain zuzen ere

25.06.2021 | 23:52
Lerro hauekin batera dagoen irudian, Katixa Agirre idazle eta kazetaria ageri da. Argazkia: Oskar González

GASTEIZ– Duela hamar urte, Amaia Lapitz eta haren abenturak ezagunak egiten hasi ziren euskaldunen-tzat, batez ere gazteentzat. Lehenik, Mexikon izandako abenturekin. Hiru urte geroago, Tunisiara itzuli zen, bertan abenturak sortzeko, amarekin eta amonarekin oporretan zegoela. Eta orain, zortzi urte geroago, Amaia Lapitzen abenturak itzuli dira berriro ere. Katixa Agirre kazetari eta idazle arabarrak eta Alex Orbe ilustratzaileak Amaia Lapitzen istorioen hirugarren zatia argitaratu berri dute.

Amaia Lapitz eta Festoseko diskoa izenburupean, Agirrek eta Orbek argumentu dibertigarri bat aurkeztu dute beste behin ere. Amaia Lapitz udalekuetan dagoela, Ariane laguna bahitu egingo dute. Amaiarekin nahastuta eramango dute, ordea, eta lagunaren arrastoari jarraituz iritsiko da Egeo itsasoko Greziako uharteetara. Bahitzaileak asmo argia du: Kretan, indusketa-lanetan arkeologo batzuek aspaldi topatu eta duela gutxi lapurturiko Festoseko diskoa berreskuratu nahi du, Amaiaren ama lapurren atzaparretatik salba-tzearen ordainetan. Abenturaz betetako bidaia honetan, Amaiak Arianaren ahotik ezagutuko duen Kretako Minotauroaren istorioa.

"Abenturaz eta dibertsioz betetako liburu honen hirugarren zatia argitaratzeko gogotsu negoen", dio idazleak DIARIO DE NOTICIAS DE ÁLAVA egunkari honetan. Eta erantsi egiten du: "Duela zortzi urte hasi nintzen liburu hau nolakoa izango zen pentsatzen. Baina, zailena idazteko denbora ateratzea izan da. Azkenean, proiektua irailean esku hartean jartzea lortu nuen, eta oso gustura nago lortu duen emaitzarekin eta Amaia Lapitzen abentura-liburu berriarekin". Hain zuzen ere, ideia hori berak Kretara egindako bidaia batean jaio zitzaion. Han zegoela, Amaia Lapitzek emozio biziak bizitzeko leku egokia zela bururatu zitzaion.

Azken liburu honekin hiru dira Amaia Lapitzen gainean argitaratutakoak. Katixa Agirrek azaltzen duenez, liburu horietako bakoitzak bere istorioak kontatzen ditu, eta, beraz, hirugarrena irakur daiteke, lehena inoiz irakurri ez bada ere. Hala ere, gomendatzen du hirurak irakurtzea dela aberasgarriena, idatzi diren ordenan; izan ere, liburu bakoitzak abentura desberdinak izan arren, argumentu bat errepikatzen da hiru liburuetan. Amaia Lapitz eta erregina gorriaren hilobia: 1 da argitaratutako lehena, eta Amaia Lapitz eta Didoren ermandade sekretua: 2, bigarrena.

Proiektu berriak Azken liburu hau argitaratu ondoren, Katitxa Agirrek proiektu berriekin jarraitzen ditu. Hain zuzen, aitortu duenez, gaur egun helduentzako eleberri batean murgilduta dago. Oraindik Agirrek ez daki Amaia Lapitzek laugarren liburua izango duen, jarraitzaileek harekin gozatzen jarrai dezaten. "Oraingoz ez dakit, bai gustatuko li-tzaidake, baina ez dut hitz eman nahi baietz esatera", aitortu du.Katixa Agirrek eleberri eta ipuin ugari argitaratu ditu eta euskaraz idazten duen idazle erreferente bihurtu da. Hain zuzen, Amek ez dute liburua, 2019an argitaratua, urte horretan euskaraz idatzitako libururik salduenetako bat izan da.

'Amaia Lapitz eta Festoseko diskoa' izenburupean, Katixa Agirrek eta Alex Orbek liburu dibertigarri bat aurkeztu dute

Amaia Lapitz udalekuetan dagoela Ariane laguna bahitu egiten dute; Amaiarekin nahastuta eramaten dute

noticias de noticiasdealava