- Ospitaleratze gutxiago ospitale akutuetan, baina kasu larriagoak eta heriotza-tasa handiagoa Araba, Bizkaia eta Gipuzkoako ospitale horietan.

Eustat Euskal Estatistika Erakundeak egindako azken txostenaren arabera, iaz 209.150 ospitaleratze erregistratu ziren Euskal Autonomia Erkidegoko ospitale akutuetan (ez dira sartzen ospitale psikiatrikoak, ez egonaldi ertain edo luzekoak). Datu horiek %10,9 gutxiago dira 2019koarekin alderatuta. Zehazki, jaitsiera hori %10,7koa izan zen ospitale publikoetan eta %11,7koa pribatuetan. Ildo horretatik, txostenak zehazten du ospitalizazioen kopurua martxoan, apirilean eta maiatzean jaitsi zela gehien. Kasualitatez, herritarrak eta familiak konfinatuta egon ziren hilabeteetan, hain zuzen ere. Hala, datuek erakusten dute koronabirusaren inpaktuak ospitaleratzea eta kirurgia anbulatorioa eragin dituela ospitale akutuetan. Baina balantzaren beste aldean, hilabete horietan, ospitaleetako batez besteko egonaldia eta heriotza-tasa ere handitu egin dira. Ildo beretik, aurreko urtean bezala, ospitalizazioen % 84 sektore publikoan erregistratu ziren. Ospitalizazioen % 65,7 premiazkoak izan ziren; ehuneko hori handiagoa izan zen ospitale publikoetan, %72koa, eta, txikiagoa pribatuetan, %34koa. Bestalde, altan eman ziren pertsona guztietatik, %89,5i osatu edo hobera egin zutelako eman zi-tzaien, %3,9ri heriotzagatik (%3,2 2019an) eta gainerakoei, beste zentro batzuetara lekualdatzeagatik eta beste kausa batzuengatik. Martxoan izan ziren heriotza gehien (%10,9), eta, aurreko urtean, urtarrilean. Gaixo dauden pazienteen generoari dagokionez, txostenak dio ez dela alde handirik egon gizonen eta emakumeen artean. Izan ere, gizonen eta emakumeen arteko ospitalizazioen ehunekoa antzekoa da: ospitalizazioen %51 gizonenak izan ziren eta %49 emakumeenak. "Normalean osasun-arazorik eragiten ez duten erditzeari, haurdunaldiari eta puerperioari arreta emateko kasuak alde batera uzten badira, kasuen %55 gizonena izan ziren, emakumeena (%45) baino ehuneko hamar puntu handiagoa", zehazten dute. Eta adinari dagokionez, alderik nabaritzen da edo adin jakin bat nabarmentzen da? Erantzuna baiezkoa da. Artatu eta ospitaleratu zituzten pertsonen ia ehuneko erdiak 65 urte edo gehiago zituzten, eta, horien artean, %56,6 65-79 urteko tartean zeuden, 72 urte gizonezkoetan eta 86 emakumezkoetan.

Bestalde, ospitalizazioetako beherakadak gaixotasun-talde handi guztietan izan zuen eragina, eta bi ospitalizazio-kausa nagusien artean honako hauek izaten jarraitu zuten: digestio-gaixotasunak (%13) eta zirkulaziokoak (%12,6); ondoren, antzeko pisua izan zuten tumoreek (%9,5), traumatismoek eta lesioak (%9,3) eta arnas aparatuak (%9). "Artatutako patologien eredua ospitalearen titulartasunaren arabera aldatu zen. Ospitale publikoetan, zirkulazio- eta digestio-aparatuan eragina duten gaixotasunei emandako arreta (%13,3 eta %12,9, hurrenez hurren) izan zen ohikoena, eta, pribatuetan, aparatu muskuloeskeletikoan eragina dutenei (%18,5) eta traumatismo eta lesioei (%13,2) eta digestio-aparatuari (%13,1) emandakoak", zehaztu zutenez. Ildo beretik jarraituz, emakumeen artean, haurdunaldi, erditze eta puerperioen gertakariek, nahiz eta urte hauetan behera egin duten, jarraitu zuten ospitale-arretako motibo maizena izaten (%15,5), ondoren digestio-gaixotasunek (%11,2) eta zirkulaziokoek (%10,7). Hala ere, nabarmendu dutenez, gizonen eta emakumeen artean bi ospitalizazio-kausa nagusiak berak izan ziren, baina gizonak nagusitu ziren bai digestio-aparatuko gaixotasunetan (%14,6), bai zirkulazio-aparatukoetan (%14,5). Amaitzeko, 0 eta 14 urte bitartean, gaixotasun-talde eta ospitalizazioaren kausa berezi ohikoenak jaiotza inguruko jatorrikoak izan ziren (adin gestazional baxuagatiko eta jaio-tzean izandako pisu baxuagatiko nahasmenduak) eta arnasbidekoak (amigdalen eta adenoideen hipertrofia); 15 eta 44 urte bitartean, erdi-tzeagatiko eta haurdunaldiagatiko arretak, emakumeen kasuan, eta, gizonetan, traumatismoak eta lesioak (belauneko lotailu gurutzatuaren bihurritua.

nez

Datuak. Eustat Euskal Estatistika Erakundeak egindako azken txostenaren arabera, iaz 209.150 ospitaleratze erregistratu ziren Euskal Autonomia Erkidegoko ospitale akutuetan (ez dira sar-tzen ospitale psikiatrikoak, ez egonaldi ertain edo luzekoak). Datu horiek %10,9 gutxiago dira 2019koarekin alderatuta. Zehazki, jaitsiera hori %10,7koa izan zen ospitale publikoetan eta %11,7koa pribatuetan. Ildo horretatik, txostenak zehazten du ospitalizazioen kopurua martxoan, apirilean eta maia-tzean jaitsi zela gehien. Kasualitatez, herritarrak eta familiak konfinatuta egon ziren hilabeteetan, hain zuzen ere. Hala, datuek erakusten dute koronabirusaren inpaktuak ospitaleratzea eta kirurgia anbulatorioa eragin dituela ospitale akutuetan. Baina balantzaren beste aldean, hilabete horietan, ospitaleetako batez besteko egonaldia eta heriotza-tasa ere handitu egin dira.