Gasteizko suhiltzaileen 125 esku-hartze, elurragatik

Elurra erlaitz eta hegaletatik desagertzen joan den arren, oinezkoei kontuz ibiltzeko gomendatzen zaie

12.01.2021 | 00:39
Gasteizko suhiltzaileek egindako jarduera baten irudia. Argazkia: Gasteizko Suhiltzaileak

GASTEIZ – Egun hauetako elurraren eta izotz denboralearen ondorioz, Gasteizko suhiltzaileek esku-har- tze gehiago egin dituzte; 125 guztira elur arazoengatik.

Zehazki, 125 irteera egin behar izan dituzte hiriko eraikinetako erlaitzetatik eta beste egitura batzuetatik elurra kentzeko. "Izan ere, 2021. urteari hasiera eman dioten elurteen ondorioz teilatuetan metatu den elurra kalera erortzeko arriskua dago. Urtarrilaren 1az geroztik izandako prezipitazioak direla eta, Gasteizko suhiltzaileek esku-hartze ugari egin behar izan dute elur edo izotz blokeak bide publikora eror ez daitezen, horrek kalte materialak eta, bereziki, pertsonalak ekar baititzake", adierazi zuten atzo Udaletik. Azken orduetan elurra erlaitz eta hegaletatik desagertzen joan den arren, oinezkoei kontuz ibiltzeko gomendatzen zaie; orobat, larrialdi zerbitzuek mugatutako inguruetatik ez paseatzeko eskatzen zaie.