Maiatzaren 31n Gasteizko izotz-pistak pertsiana jaitsiko du eta irailera arte ez da berriro irekiko. Bipoloko arduradunek hurrengo kanpaina planifikatzeko unea izango da, klubaren aldeko apustua egin duten neska-mutilek izotzean gozatzen jarrai dezaten.

Gasteizko taldeak 150 pertsona inguru ditu: 62 inguru izotz hockeyan eta gainerakoak patinaje artistikoan. Bi kiroletan eskolak dituzte, izotz-kirolek erakartzen dituztenentzako eta horietan hasi nahi dutenentzako lekua. Edonork patin batzuk jantzi eta izotzera salto egin dezaken sarrera libreko saioak eta Bakheko pistan goizean ikasleentzat egiten diren jardunaldiak izan ohi dira mundu honetan barneratu nahi izateko lehen urratsa. Eskoletara joateko gogoa besterik ez da behar. Bipoloak oinarrizko elementuak errazten ditu: kaskoa eta patinak.

Eskularruak eta arropa iragazgaitzak haur bakoitzaren kontura izaten dira. Hortik aurrera, zein diziplinatan egon nahi den erabaki beharko da, klubean izena eman eta horretan hasi. Eta urtarrilaz geroztik klubeko eta pistako koordinatzailea den Naira Gordovilekin solasaldi batek ideiak argitzeko eta haurren beharretara egokitutako plan bat asmatzeko ziur balioko duela.

Izotz-hockeya

Klubaren atal honek 3 talde sartzen ditu, eta eskolatik pasa ondoren —adinaren eta gogoaren arabera urtebete edo bi urtetako epea izan ohi da— sartzen da horietan. Nairak azaldu duenez «stick-a eta puck-a erabiltzen ikasten dute, irristaketa ariketak egiten dituzte aurrera eta atzera, birak, zirkuituak…», eta bere esanetan, adin hauetan asko gustatzen zaien zerbait «ekipazioa janztea eta beren buruak hain handikote ikustea da». Hurrengo urratsa sub-11 taldea izango da, gero sub-13 eta ondoren 18 urtez azpikoa.

«Oraingoz ez dugu talde seniorrik, baina horretan ari gara lanean, horren aldeko apustua egin behar delako eta aukera hori Gasteizi eman behar zaiolako, gure jokalariek beste leku batzuetara joan beharrik izan ez dezaten, adin batzuetan maila handiagoan jokatu nahi badute». Bere adierazgarri nagusia Liga Nazionala jokatzen duen Sub18 taldea da, aurten emaitza onak lortzen ari dena.

Eskola taldeek, berriz, ez dute liga propiorik. Inguruan talde gutxi daudenez, zaila da hori, eta, horregatik, klubak hainbat topaketa antolatzen ditu Donostiako, Iruñeko eta Frantziako klubekin. «Haurrei gustatzen zaie, zaila delako denboraldian zehar tentsioa eta ilusioa mantentzea entrenatzen bakarrik. Era berean, ikusten dute ez daudela bakarrik kirol honetan, jende gehiagok egiten duela haiek egiten duten gauza bera», dio koordinatzaileak.

Balantzea egiterakoan, Naira Gordovil pozik agertu da, azken hilabeteetan 10 haur gehiago sartu direlako eskolara eta hori ona delako. zentzu horretan, garrantzitsua izan da klubeko teknikarien lana eta delegatu eta patinatzaile nagusien laguntza Bipoloak hazten jarrai dezan.

Patinaje artistikoa

Igor Sinuytinek eta Alicia Sádabak zuzentzen dute kirol hau Gasteizen. 80 bat haur dituzte euren eskuetan, kirol honek duen teknikaren eta trebetasunaren konbinazioan harrapatuta. Eskolan oinarrizko nozioak irakasten dizkiete eta izotzari beldurra galtzen ere bai, nahiz eta txikitan pistan askatzen diren azkartasuna harrigarria izan. Eskola-kirolean, berriz, beste urrats bat eman eta beste modu batean egiten da. 9 urtetik aurrera, jolasak alde batera uzten dituzte entrenamenduan zentratzeko eta mailaz igotzeko eta lehiatzera iristeko trebetasunak batzeko.

Hurrengo fasea lehiaketakoa izango da, eta bertan Euskadiko Irristatze Federazioaren test bat pasatu behar da sartzeko. Hor seriotasuna eta konpromisoa dira nagusi ariketak bikain atera daitezen. Faserik zorrotzena da, eta ez da harritzekoa patinatzaile bat pistaren irekiera-ordutegiko edozein hutsunetan ikustea, hura aprobetxatuz, eta hurbiletik haren entrenatzailea teknika eta ariketak zuzentzen, emaitzak lortzeko.

Haizea Fernández de Romarategui

Egutegia gainezka du. Bipoloko Sub-18 taldean jokatzen du, eta Donostiako Txuriko emakumezko seniorrarekin, zeinarekin ligako txapeldun izendatu den. Estatu mailan ohikoa da emakumezkoen selekzio absolutuarekin eta emakumezkoen 18 urtez azpiko selekzioarekin.

Nora Sáez de Maturana, Guillermo Arcos, Naroa Egea eta Maider Llanos

Estatuko patinaje artistikoko onenekin lehiatzen dira beren kategorietan. Maider Llanosek proiekzio oso interesgarria du eta aurten 2022ko Espainiako Basic Novice A txapeldun izan da. Taldearekin Guillermo Arcos granadarra izan da apiriletik, CEEDA programari esker Bipolorekin prestatzen aritu dena eta Federazio Kopan bigarren postua lortu duena.

Israel García, Hugo Nicolau, Hugo Pérez, Dusan Cantabrana

Espainiako selekzioarekin egon ziren B Taldea-II Dibisioko munduko txapelketan. Bulgaria, Herbehereak eta Kroazia izan zituzten aurkari eta zilarrezko domina lortu zuten. Haiekin batera Markel Segurola egon zen, aurre-selekzioan egon zena baina azkenean ezin izan zuena Bulgariara bidaiatu.