BAT txartelarekin lotutako iruzur batez ohartarazi du Arabako Aldundiak

Arabako Foru Aldundiko Mugikortasun Jasangarri eta Bide Azpiegituren Sailak Alavabuseko eta eskualdeko garraioko lineen erabiltzaileei jakinarazi die sare sozialetan zabaltzen ari dela BAT txartelarekin lotutako balizko iruzur bat, zeinen bidez BAT txartelak eskaintzen dira urtebetean doan erabiltzeko.

Hala, eta ildo horretatik jarraituz, Foru erakundeak ziurtatu du mezu horrek ez duela zerikusirik ez Arabako Foru Aldundiarekin berarekin, ezta BAT txartela kudeatzen duen Euskotren sozietate publikoarekin ere, eta, iruzur delitua izan daitekeenez, haren berri eman die agintari eskudunei. Horregatik, erabiltzaileei ohartarazten die informazio eta eskaintza engainagarriarekin batera agertzen den estekara ez sartzeko eta datu pertsonalik ez emateko.

Mugikortasun Jasangarriaren eta Bide Azpiegituren Sailak ez du bere gain hartuko publizitate horrek eragin dezakeen edozein kalteren erantzukizuna. Zalantzarik izanez gero, BAT txartelarekin dauden tarifei eta deskontuei buruzko informazioa kontsulta daiteke Alavabus eta eskualdeko garraioaren lineetan (www.alavabus.eus) edo Arabako Foru Aldundiko garraioaren erabiltzaileei arreta emateko zerbitzuan (945 18 20 60).

Bestalde,  Arabako Foru Aldundiak eta Danborradako Gastronomia Elkarteen Taldeak 7 eta 14 urte bitarteko adingabeei dei egin diete apirilaren 28an egingo den San Prudentzio eta Estibalizko Andra Mariaren jaietako haurren danborradan parte hartzera.

7 eta 14 urte bitarteko haurrek parte ahal izango dute. Danbor eta kupel joleak, sukaldariak, miñoiak, kantinerak, soldaduak, urketariak eta majorettak, iaz berritu ziren jantzi batzuk amaitu arte.

Izen emateak: danborradagasteizvestuario@yahoo.es.

Taldearen telefonoa: 654.370.157.

Trajeak emateko eta entseguak egiteko ordutegiak jasotzen dituen dosierra erantsi da. Entsegu nagusia apirilaren 21an izango da, Iradier Arenan.