Osakidetzak EAEko biztanleentzako osasun-arreta bermatuko du, bere baliabide-sarearen bidez, EAGak barne
Osakidetzak euskal herritarrei jakinarazten die Gabonetako jaiegunetako osasun-laguntza bermatuta dagoela Etengabeko Arretako Guneen (EAG), etxeko arretako zerbitzuen, ospitaleko larrialdien eta larrialdietako osasun-garraioaren bidez.
Etengabeko Arretako Puntuek ohiko irekiera- eta itxiera-ordutegiak mantenduko dituzte, kasuaren arabera, arreta medikoa edo erizaintzakoa emateko.
Erabiltzaileek beste maila bateko arreta beharko balute, egin ohi den bezala, zerbitzua etxeko arreta-sarearekin, ospitaleko larrialdiekin eta osasun-garraioarekin osatuko da.
Beste edozein kontsulta egiteko, Osakidetzaren www.osakidetza.eus web-orrira jo dezakezu.
Bestalde, Lurraldearteko Kontseiluak berretsi egin du Euskadik beste horrenbeste Erreferentziako Zentro, Zerbitzu edo Unitatetarako (CSUR) aurkeztu dituen hiru hautagaitzen izendapena: bi Gurutzetako Unibertsitate Ospitalean, patologia konplexu hipotalamo-hipofisiarioari eta gaixotasun autoimmune sistemikoei buruzkoak; eta beste bat gaixotasun neuromuskular arraroei buruzkoa, Donostia Unibertsitate Ospitalean.
Euskadik beste 8 CSUR zituen jada. Horiek bikaintasun-irizpideen arabera izendatzen dira, patologia bereziki konplexuak dituzten bertako pazienteak edo beste autonomia-erkidego batzuetakoak tratatu ahal izateko. Patologia horien arreta zuzenak kasuak multzokatzea, espezializazio diagnostiko edo terapeutiko handia eta teknologia handia eskatzen ditu. Horrela, ekitatea eta elkartasuna hobetzen dira herritarrek espezializazio handiko zerbitzuak eskuratzeko orduan, esperientzia kontzentratuz eta, era horretan, kalitatezko arreta seguru eta efizientea bermatuz, pazientearen bizi-kalitatea eta pronostikoa ahalik eta gehien hobetzeko.
