Ibilaldia naturan barrena

 Urriaren 29an, igandea, udazkenero bezala, Valderejoko Parke Naturalak bere oinezko ibilaldia ospatuko du. Aurten, ekitaldi horren XX. edizioa egingo da, eta helburua da jendeak parkearen baliabide naturalak eta kulturalak ezagutzea mendi ibilaldien bidez.

Hala, eta ildo horretatik jarraituz, Arabako Foru Aldundiatik jakinarazi zutenez, berrikuntza gisa, aurten, bi ibilbide diseinatu dira, bata luzea eta bestea familientzat.Ibilbide luzea goizeko 9:00etan hasiko da, 18,3 kilometroko distantzia izango du eta 670 metroko desnibela. Familientzako ibilbidea 10:30ean irtengo da, 10,4 kilometrokoa izango da, eta 318 metroko desnibela izango du.

Ibilbide hori adingabeak dituzten familientzat edo ibilbide lasaiagoa nahi duten parte hartzaileentzat pentsatuta dago.Gainera, argazki ginkana bat prestatu da, parte hartzaileek, 14 urte arteko gazteek, parkean zehar egindako ibilaldia jaso dezaten.Ekitaldiak ibilbide luzean bi anoa gune izango ditu, mistoa eta likidoak, eta familiakoan misto bat.

Ibilaldia amaitu ondoren, ibilbidean parte hartu duten pertsonek opari bat jaso ahal izango dute parkearen etxean, dortsala entregatzean. Gainera, tokiko produktuen zozketa bat ere egingo da, parte hartzaileen dortsal zenbakiekin.

Ibilaldian, gehienez ere, 300 pertsonek parte hartu dezakete, eta aldez aurretik izena eman beharko da web orrian agertzen den formularioan, bi ibilalditako zeinetan parte hartuko den adierazita.

Ekitaldiari eta ibilbideei buruzko informazio gehiago, web helbide honetan:

https://valderejoparkea.eus/es/marcha-a-pie-valderejo