Gaur aurkeztu da San Prudentzio eta Estibalizko Andre Maria 2023 jaietako programazioa. Apirilaren 23an hasi eta maiatzaren 1ean bukatuko da, Estibalizko erromeriarekin, eta 80 jarduera baino gehiago antolatu dira horretarako.
Hala, eta ildo beretik jarraituz, Ana del Valen arabera, “% 200ean ospatuko dugu; murrizketarik gabeko lehen ekitaldia egin zenetik 12 hilabete bete dira, eta hura ere San Prudentzio izan zen. Aurten ere, festa bera ez ezik poza, dantza, adiskidetasuna, konpainia, otorduak, musika, tradizioa, espiritualtasuna eta sentimendua ere ospatuko ditugu. Festa hauek, azken urteetan bizi izandako guztiaren ondoren, oihu bat dira bizitzeko eta gozatzeko gogoaren alde». Eta beste hau gaineratu du: “programazioa tradizio handikoa da, baina, aldi berean, beste jarduera asko ere egingo ditugu, batez ere tokiko kultura sektoreari laguntzen saiatu baikara, hark hurbil gaudela sentitu dezan, tradizioa modernizatzeko oreka zail horretan, jaiak belaunaldiartekoak izateko eta publiko guztiekin konektatzeko, denboran irauteko mekanismo onena baita” adierazi du. Hala, Arabako jaiak apirilaren 23an hasiko dira antzerki emanaldi batekin Principal Antzokian; 25ean, jaien berri emateko pregoia izango da; 27an, erretreta tradizionala eta danborrada; 28an, Armentiako egun tradizionala; 29an, gastronomia lehiaketak, kuadrillen erakusketa eta Fanfarre Eguna, besteak beste, eta 1ean, Estibalizko erromeria. Guztira 86 jarduera, programa orokorrekoak, kirol programakoak eta Armentiako Administrazio Batzarraren programakoak bilduta.
