Aisialdirako eta kirolarako denbora

- Herritar gehienek badakite kirola egiteak abantaila ugari eskaintzen dituela. Dela estresa saihesteko, murrizteko, dela zorionaren hormonak handitzeko, pisua jaisteko, dela igotzeko, onura amaigabeak eskaintzen ditu. Eta horregatik, herritarrek gero eta gehiago praktikatzen dute. Eustat Euskal Estatistika Erakundeak gai horri buruz egin zuen azken txostenaren arabera, herritarrek gero eta denbora gehiago ematen dute kirola egiten, zehazki, sei minutu gehiago 2018an, 2013arekin alderatuta.

Hala, eta ildo horretatik jarraituz, txostenean azaltzen den bezala, aisiari (hots, kirola egiteari, paseatzeari, ibilaldiak egiteari, Interneten nabigatzeari eta abar) eskainitako denbora 2013an baino 6 minutu luzeagoa izan da. Izan ere, herritarren %63,1ek egin zituen horrelako jarduerak. Aisia aktiboari dagokionez, euskal herritarrek gehien egin duten jarduera paseatzea eta ibilaldiak egitea izan da. Jarduera horrek nabarmen egin du gora asteburuetan eta, bereziki, igandeetan. Izan ere, herritarren % 56,3k egin dute jarduera hori, eta 2 ordu eta 34 minutu eman dute batez beste (2018an, 2013arekin alderatuta). "Hedabideei eta informazio-baliabideei (prentsari eta ikus-entzunezkoei) lotutako jarduerak soilik kontuan hartuta ikus daitekeenez, erabiltzaileen proportzioak portzentajezko 5,8 puntutan egin du behera, eta % 84,1eko tasara iritsi da 2018an", erantsi zuten ere aipatutako txostenean.