raganerako bidaia. Horixe proposatzen du Vital Fundazioak Kordoiaren etxerako. Izan ere, Vital Fundazioak Kordoiaren Etxean duen egoitza birtualki berreraikitzen duen aplikazioa garatu du. Horrela, eraikin enblematiko honen munduko edozein tokitatik ikusi ahal izango da, haren elementu arkitektoniko buruzko informazio historiko zehatza ematen duten testu eta lokuzioekin. Kordoi Etxea gailu mugikorretarako aplikazioa doan deskarga daiteke Google Play-n eta App Store-n, eta www.fundacionvital.eus webgunetik ere ikus daiteke online.
"Aplikazioaren helburua da Gasteizko adin guztietako biztanleek eta bisitariek eraikinaren eraikuntza-historian interesa izatea eta bertan murgiltzea, ondare-ingurunearekin modu hezitzaile, ludiko eta jasangarrian elkarreraginean jardunez", adierazi zuen atzo Axier Urresti Vital Fundazioetako zuzendari exekutiboak. Erabilera orokorreko gailu pertsonaletara (smartphone-ak, tablet-ak edo errealitate birtualeko betaurrekoak) egokitutako tresna da, eta erabiltzaileari iraganera bidaiatzeko aukera ematen dio eta "bere begiez behatzeko zer bilakaera izan duen multzo historiko horrek denboran zehar".
"Gure ondarearen dibulgazioaren zerbitzura dagoen tresna honek esperientzia paregabea eskaintzen digu iragana berpizteko eta lekuaren historian protagonista gisa murgiltzeko, baliabide tradizionalek, hala nola liburuxkek eta triptikoek edo audio-gidek, eskainitako bisita-eredua gaindituz. Gainera, ondarea errespetatzen duen teknologia da, bai ikuspuntu ekonomikotik, bai ekologikotik; iraganaren ezagutza demokratizatzea ahalbidetzen du eta ondare-lekuetarako joan-etorri turistikoa areagotzen du", gaineratu zuen Axier Urrestik.
Irudiekin batera, dagoeneko desagertuta dauden edo oraindik zutik dauden elementu arkitektoniko eta apaingarriei buruzko informazio historiko zorrotza duten testuak eta lokuzioak daude, baita berregite birtualari testuinguru historikoa ematen dioten garaiko irudiak ere, mugimenduan dauden inguruneetan murgilduta dauden garai haietako pertsonaien bidez.
