Lau positibo berri Araban egindako PCR probetan
Asteazkenean, hildako bat erregistratu zen Euskal Herrian
- Asteazkenean lau postibo berri erregistratu ziren Araban egindako PCR probetan, Euskal Herri osoan 16 izanda (9 Gipuzkoan, bat Bizkaian eta Euskaditik kanpo bizi diren 2 pertsona). Hala gogoratu zuen Osasuneko sailburu den Nekane Murgak eskainitako prentsaurrekoan. Guztira, 4.713 proba egin ziren, 4.386 PCR eta 327 test azkar; hauetatik, gainera, 43 kasu atzeman ziren -proba horrek hartutako immunitatea edo pertsona batek sortutako antigorputzak neurtzen baititu, eta iraganeko infekzio bat adieraz dezake ere-.
Era berean, hildako bat erregistratu zen (azken 60 egunetan PCR positiboa izan duten pertsonei dagokio hildakoen datuak), eta covid-19rik gabeko 37 pertsona (PCR negatiboa dutenak gaixotasuna hartu ondoren). Azken hauek guztira, pandemia hasi zenetik, 13.670 izan dira. "Horretaz gain, covid diren edo izan diren 10 pertsona daude ZIUn, aurreko egunean bezala", gogoratu zuen Murgak, eta beste bostek ospitaleko alta jaso dute. Halaber, 2 PCR positibodun ospitaleratze berri daude plantan.
Bestalde, Osasun sailak egunero argitaratzen duen txostenean ageri da 20.820 kasu positiboak direla guztira Euskal Herrian pandemia hasi zenetik, eta Araban zehazki 3.340. Murgak adierazi zuen egoera "kontrolpean" dagoela, baina "birusak ez gaitu abandonatu, hemen dago eta hori gure bizitzako alderdi guztietan izan behar dugu kontuan".
Murgak, gainera aurreratu zuen Osakide-tzak, dagoeneko, osasun-eremuan eta soziosanitarioan 150.000 proba egin dituela, PCRen eta test lasterren artean, pandemia hasi zenetik. Horretaz aparte, beste 18.500 egin zaizkie zenbait kolektibo espezifikori.Dagoeneko amaitu dute probak egiten Ertzaintzako langileei, suhiltzaileei, udaltzainei, etxeko laguntza zerbitzuko langileei, DYAko profesionalei eta farmaziako langileei -positiboen ehunekoa test serologikoetan %4tik beherakoa izanda, eta 5 PCR positiborekin-. "Maiatzean probak egin ziren arrantzaren sektorean eta espetxeetan; azken kasu horretan, egindako proba serologikoen %1etik beherako intzidentzia izan zen eta ez zen PCR positiborik egon". Orain, laginak hartzen ari dira beste lanbide batzuetan ere (odontologoetan, gizarte-laguntzako, garraio publikoko eta adingabeen zentroetako profesionaletan, sasoiko langileetan, etab.).
4
Datuen arabera, asteazkenean Araban 4 positibo berri erregistratu ziren PCR probetan.
1
Gainera, Euskal Herrian pertsona bat hil zela aurreratu zuen Osasuneko sailburu den Nekane Murgak.
10
Horretaz gain, covid diren edo izan diren 10 pertsona daude ZIUn, aurreko egunean bezala.
Temas
Más en Araba
-
408 alaveses aspiran a formar parte de la quinta promoción de la Euskal Polizia
-
El XVIII Encuentro de Coleccionistas vuelve a tomar Vitoria como escenario de muestra
-
Arabako Txakolina se unirá al Día del vino D.O. con un brindis en la Plaza de Abastos
-
En imágenes: La marea naranja de Orekabide por la salud mental inunda Gasteiz