Odei Guiradoren Babes-sistema, haurrak eta eguneroko mintzamoldea. Harreman-mundu bat euskaratik eta euskaraz harilkatzeko ikerketa aplikatua eta Fernando Oiartzunen Leitzako hitanoa: corpusa osatzeko eta erabilera berpizteko saiakera ikerketa lanak saritu ditu Mintzolak.
Hala, eta ildo horretatik jarraituz, Euskaltzaindiak jakinarazi duenez, euskaraz egiten den ahozko jardunari buruzko bi ikerketa lan saritzeko deialdia argitaratu zuen martxoan Mintzola proiektuaren bidez.
Egileek 2026ko otsailaren 27ra bitarteko epea izango dute lana ondu eta aurkezteko
Ildo beretik jarraituz, aipatzekoa da, akademiaren arabera, ikertzaile gaztea edo hasiberria doktorego tesiraino eramango duen ibilbidean, "aurreko erabakiak eta urratsak ere garrantzitsuak dira", azpimarratu dutenez, eta, hortaz, deialdiaren helburuak bi dira: batetik, bide horretan laguntzea eta, bestetik, unibertsitateko edozein jakintza alorretatik abiatuta, euskaraz egiten den ahozko jarduna ikergai gisa sustatzea.
AURKEZTUTAKO LANAK
Denera, hiru lan aurkeztu dira deialdira, eta epaimahaiak hurrengo bi hauek hautatu ditu: 'Babes-sistema, haurrak eta eguneroko mintzamoldea. Harreman-mundu bat euskaratik eta euskaraz harilkatzeko ikerketa aplikatua, Odei Guirado Irasuegirena, eta 'Leitzako hitanoa: corpusa osatzeko eta erabilera berpizteko saiakera', Fernando Oiartzun Sagastibeltzarena.
Hautatutako proiektu bakoitzak 3.000 euro gordin jasoko ditu, eta egileek 2026ko otsailaren 27ra bitarteko epea izango dute lana ondu eta aurkezteko, Euskaltzaindiatik prentsa-ohar baten bitartez ondorioztatu duten bezala.
