Miren Elgarresta Emakunde Emakumearen Euskal Erakundeko zuzendariak NBE Emakumeak-ek sustatutako Zainketen aldeko Aliantza Globalaren bigarren batzar orokorrean parte hartu du. Bilkura sarean egingo da, Mexikotik antolatuta, eta mundu osoko eragileek hartu dute parte, besteak beste, Zainketen aldeko Aliantza Globalaren 2025-2030 aldirako lehentasun estrategikoak ezartzeko.
Gobernuak, gizarte zibileko erakundeak, enpresak eta beste eragile batzuk biltzen ditu ekimenak, zaintza sistemak eraldatzeko helburuarekin
Eusko Jaurlaritza iaz sartu zen NBE Emakumeak erakundearen lankidetza ekimen honetan. Gobernuak, gizarte zibileko erakundeak, enpresak eta beste eragile batzuk biltzen ditu ekimenak, zaintza sistemak eraldatzeko helburuarekin.
Proiektuaren helburuak dira zaintza lana aintzat hartzea, balioestea eta babestea, pertsona guztientzat irisgarria, eskuragarria eta kalitatezkoa izango dela eta gizon zein emakumeek beste pertsona batzuk zaintzeko erantzukizuna partekatuko dutela ziurtatuz, eta sektorean lan baldintza duinak sustatzea.
Batzar orokorra da Zainketen aldeko Aliantza Globalaren erabaki eta lidergo organo nagusia, eta aliantza osatzen duten erakunde edo instituzio bakoitzeko ordezkariek osatzen dute
Batzar orokorra da Zainketen aldeko Aliantza Globalaren erabaki eta lidergo organo nagusia, eta aliantza osatzen duten erakunde edo instituzio bakoitzeko ordezkariek osatzen dute. Bileran parte hartuz, Emakundek aukera izango du esparru horretako politika publikoak indartzeko esperientziak, estrategiak eta jardunbide egokiak zuzenean ezagutzeko.
