Gabonak zoriontzeko bideo bat zabaldu du Maider Etxebarria alkateak, Udalaren sare sozialen bidez. Hala, gasteiztarrekin partekatu du jai hauek “une pozgarriz, zoriontasunez eta topaketez” betetzeko nahia, “lan egiteko inspirazioa eman diezaguten eta, hala, Gasteiz are hobea eta denontzako aukerez eta oparotasunez betea izan dadin”.
Etxeberriak honakoa eskatu du zabaldutako mezuan: “Ezberdintasunak atzean uztea, egoerak eskatzen duen bezala jokatzeko eta lehentasunei erantzuteko”. Alkatearen esanetan, “hiri zoragarri batean bizi gara, eta erronka asko ditugu aurrean, hala nola hiri lehiakorragoa, oparoagoa, justuagoa eta jasangarriagoa lortzeko lan egiten jarraitzea”. Gainera, esker ona adierazi die herritarrei, “zuen ekarpenari eta ahaleginari esker garelako garen modukoak”.
Gabonetako zorion-agurrean, 2024ari buruz ere hitz egin du alkateak: “Urte honetan Zaramaga berroneratuko dugu, auzoak bultzatuko ditugu, erdigunean hobekuntzak egingo ditugu, gizarte-baliabide berriak jarriko ditugu martxan, eta jarduera kulturalak, sozialak eta ekonomikoak bultzatuko ditugu; funtsean, pertsonen urtea izango da”.
Bestalde, Gasteizko Udalak hurrengo astean onartuko du Principal Antzokiaren obren lizitazioa. Hala, ehun urte baino gehiago dituen San Prudentzio kaleko eraikina “XXI. mendeko beharrei egokituagoa, irisgarriagoa, erosoagoa eta seguruagoa izango da eta klimatizazio-sistema modernoagoa izango du”, Maider Etxebarria Gasteizko alkateak adierazi duenez.
1918ko abenduaren 18an inauguratutako Antzokiaren zaharberritze zereginak lehiaketara atera dira 11,3 milioi euroko zenbatekoarekin, BEZ barne. Lizitazio-epeek eta eskaintza onena aurkezten duen enpresari egingo zaion ondorengo esleipena, Principaleko barneko lanen hasiera-data hurrengo irailean finkatzen dute.
Zaharberritze-proiektua Idom ingeniaritzak idatzi du eta butaka-patioaren italiar estilo arkitektonikoa errespetatzen du. Hala ere, beste alderdi batzuetan eraldaketa sakonak egiten ditu, besteak beste, “ikusleen sarbidea, musikarien pezoirako espazio handiagoa, kamerinoen hobekuntza eta banaketa berria, orrazi eta kontraorrazi modernoagoak, baita gela balioaniztun berria sortzea eta edaritegia Principal Antzokiaren ekitaldietarako gela espaziotsu bilakatzea ere”, azaldu du Etxebarriak.
