Ertzaintzak Euskal Herriko Unibertsitateko ikasleen formakuntzan lagunduko du

Eusko Jaurlaritzak, Segurtasun Sailaren bidez, hezkuntza-lankidetzako hitzarmen bat sinatuko du Universidad del País Vasco / Euskal Herriko Unibertsitatearekin ikasleen formakuntza integrala hobetzeko eta lan-munduan txertatzera begira haien prestakuntza profesionala ziurtatzeko. Hitzarmen horrek UPV/EHUko Soziologia eta Gizarte Langintza Saileko ikasleek Ertzaintzan kanpoko praktikak egitea arautzen duen esparrua ezartzen du.

Horrela, eta ildo horretatik jarraituz, Eusko Jaurlaritzaren Segurtasun sailetik azpimarratu zutenez, zehazki, "Suizidiologiako Berezko Tituluko ikasleek lanak eta horiekin lotutako praktikak egingo dituzte Ertzaintzaren egoitzetan", "Ertzaintzak lagunduta eta aholku emanda, praktika horien harreraren eta tutorizazioaren bidez", azpimarratu zuten Ertzaintzaren sailetik.  

Hitzarmen horrek, bi erakundeentzat beharrezkoa den harreman "aberasgarria bideratzeaz gainera, etorkizunean Ertzaintzak gai honetan gauzatuko dituen prozeduren eraginkortasuna ekar dezakeen ikasketak egiteko aukera emango du", erantsi zuten Eusko Jaurlaritzaren Segurtasun sailetik prentsa-ohar baten bitartez.

Azkenik, bertatik ondorioztatu zuten bezala, Segurtasun Saila aspaldiko urtetan ari da Euskadiko nahiz Estatuko beste lurralde batzuetako unibertsitate ezberdinekin lankidetzan. 

"Horrela, UPV/EHUko beste fakultate batzuetako ikasleek egin dituzte kanpoko praktika akademikoak Ertzaintzan", ondorioztatu zuten Ertzaintzatik.

Hitzarmenak lau urteko indarraldia izango du, eta beste lau urtez luzatu ahal izango da.