Donostiako Tranbia Konpainia sortu zenetik 140 urte beteko dira 2026an, "140 urte donostiarren hainbat belaunaldik garraio kolektiboaren alde egiten eta enpresa hiriaren zati banaezin gisa hazten eta eboluzionatzen", Donostiako Udaletik nabarmendu dutenez.
Hain zuzen, 1886ko udan eratu zen Donostiako Tranbia Konpainia, Gipuzkoako enpresarik zaharrenetakoa eta gaur egun Dbus izen komertzialarekin martxan dagoena. Zerbitzua 1887an hasi zen, zaldiek tiratutako tranbiekin; ondoren, tranbiak eta trolebus elektrikoak martxan jarri ziren, eta, azkenean, 1960ko hamarkadatik 1970ekora bitarte, horiek autobusekin ordeztu ziren.
Gaur egun, Dbusek bere historiako eraldaketa handienetako bat bizi du, flota eta kotxetegietako instalazioak elektrifikatzen ari baitira. "Mugikortasun eredua aldatzeko apustua, ingurumenean duen inpaktua arintzeko eta ahalik eta gehien murrizteko, eta erabiltzaileen esperientzia are gehiago hobetzeko. Konpromiso soziala eta Donostiako herritar guztientzat etorkizun hobea nahi duen hiri proiektua ere bada, une honetan Dbus bidaien datu historikoak erregistratzen ari da eta", adieraz dute.
BESTE GAI BATZUK
Bestalde, Bilboko Udalak 2026-2030 aldirako Emakumeen eta Gizonen Aukera Berdintasunerako VI. Udal Plana onartu du asteazken honetan egindako gobernu bileran, eta "hirian emakumeen eta gizonen arteko berdintasun erreal eta eraginkorrean aurrera egiteko tresna nagusia" izango da.
Bilboko Udalak jakinarazi duenez, plan berriak jarraipena emango dio berdintasun politikak sustatzeko hiru hamarkada baino gehiagoko ibilbide finkatuari, Emakumeen eta Gizonen Arteko Berdintasunerako Udal Ordenantzaren eta Bilboko Udalaren 2023-2027 aldirako Agintaldi Planaren printzipioen eta helburuen baitan dago, eta berdintasuna udal ekintzaren "ardatz estrategikoetako bat" bezala finkatzen du.
Dokumentuak 2026-2030 aldian garatu beharreko orientazio estrategikoak eta ekintzak zeintzuk diren ezartzen du, genero ikuspegia udal politika guztietan zeharka txertatzeko. Horretarako, sailen arteko koordinazioa, udal langileen gaikuntza, berdintasuna plangintza estrategikoan txertatzea eta jardueren etengabeko ebaluazioa indartuko ditu.
Parte hartze bidezko eta elkarrekin lan egiteko prozesu baten emaitza izan da plana. Prozesu horretan, barneko eta kanpoko eragile nagusiek hartu dute parte. Alde batetik, Sailarteko Batzordea izan da, Bilboko Udalaren sail eta enpresa guztiek osatua, eta bakoitzak bere jardun eremuan garatuko diren ekintzak eta proiektuak lehenetsi ditu.
