Andrea Mora, Maria Cascon eta Andoni Atrioren lanak daude ikusgai Basaurin Gure Artean ekimenaren baitan

Basauriko Udalak (Bizkaia) Gure Artean egitasmoaren beste edizio bat antolatu du Kultur Basauriren bitartez, eta Andrea Mora, Maria Cascon eta Andoni Atrio artisten lanak erakutsiko ditu ostegun honetatik martxoaren 1era Arizko Dorretxean.

Gurea Artean 2015ean sortu zen, bi helbururekin: alde batetik, dagokion balioa ematea Basauriren ondare artistiko zabalari, eta, bestetik, herrian jaioak diren edo herriarekin lotura estua duten artisten lana ezagutaraztea.

Horrela, erakusketaren aurkezpenean jakinarazi dutenez, egitasmoaren seigarren edizio honetan, Andrea Mora, Maria Cascon eta Andoni Atrioren lanaren parte bat egongo da ikusgai.

Andrea Mora (Bilbo, 2000) aktorea, diziplina arteko sortzailea eta flamenko dantzaria da. Duela lau urte, bere proiektuan lanean dihardu: 'El Tablao del Quejío', antzerki soziala eta flamenkoa uztartzen dituen ikuskizuna, Otxarkoagako eta Barakaldoko euskal emakume ijitoen testigantzetan oinarritua. Proiektua Dramaturgia Berriak 2023 programaren parte izan zen, eta Harrobia Eskena zentroaren Trantsizioak programaren babesa jaso du.

Bestalde, Maria Cascon basauriarrak 27 urte ditu, eta Arte gradua ikasi zuen EHUn. Erakusketa kolektibo ugaritan parte hartu du: 'Harriak (Eremuak): 90km aho-zirika' (Zabalarte Etxea-Agurain), 'Mesa Camilla' (OKELA Sormen Lantegia) eta 'AE'21' (EHU, Bizkaia Aretoa).

Andoni Atriok, azkenik, oso lotura berezia du Basaurirekin, "bere nortasunaren funtsezko parte izaten jarraitzen duen herriarekin". 2025ean Arte gradua amaitu zuen, eta diziplina ahalik eta gehienetan aritu da: lan-arloan, kirolean, alor artistikoan, akademikoan eta musikalean. "Ekoizteko premia ezarri diot neure buruari, neure buruarekin gustura sentitzeko", adierazi du.