Zenbatek osatzen dute Fekor sarea?

Ashubi Huntingtonen Gaixotasuna Ikertzeko eta Laguntzeko Bizkaiko Elkartea eta Retina Bizkaia Begisare erretinako distrofia hereditarioak eta ikusmen baxua edo itsutasuna eragiten duten beste ikusmen patologia batzuk dituzten pertsonen elkartea gehitu dira Fekoor Desgaitasun Fisiko edo Organikoa duten Pertsonen Bizkaiko Federazio Koordinatzailera, eta horrela, dagoeneko 21 elkartek osatzen dute sarea.

Lehentasuntzat jo du elkarte mugimendua "biziberritzea". Horretarako, "funtsezkoa da gazteak inplikatzea zeregin sozialean eta erreibindikazio lanean, belaunaldien arteko erreleboa ziurtatzeko", Javier Gil erakundeko zuzendariak adierazi duenez.

Halaber, Fekoor osatzen duten pertsona eta erakunde guztien "parte hartze aktiboa indartzeko beharra" nabarmendu da bilkuran, ordezkaritza "plurala eta inklusiboa" sustatzeko.

Federazioaren ustez, "soilik inplikazio erreal, ireki eta ekitatibo baten bidez lortuko da aldaketak bultzatzeko gai den mugimendu sendo eta legitimo bat". Ildo horretan, elkarteak begirada jarri du "banakako ahalduntzean, ingurunearen eraldaketan eta laguntza sistemen hobekuntzan".

Horrela, sarea 21 elkartek osatzen dute orain, Ashubi eta Retina Bizkaia Begisare gehituta. Ashubi Huntingtonen Gaixotasuna Ikertzeko eta Laguntzeko Bizkaiko Elkartea da. Jatorri genetikoa duen gaitz neurodegeneratibo horrek nerbio sistema zentralari eragiten dio, eta 30 edo 40 urtetik aurrera agertu ohi da. Nahigabeko mugimenduak, koordinazio galera edo zailtasun kognitibo eta motorrak diar sintomak.

Retina Bizkaia Begisare, berriz, erretinako distrofia hereditarioak eta ikusmen baxua edo itsutasuna eragiten duten beste ikusmen patologia batzuk dituzten pertsonak biltzen dituen elkartea. Gaixotasun arraro horiek progresiboak dira, erretinari eragiten diote eta haurtzarotik helduarora arte ager daitezke.

Elkarte berriak onartzeaz gain, Fekoorren batzar nagusiak '2024ko Jardueren Memoria' onetsi du. Iaz, Fekoorrek 2.200 pertsona baino gehiagori eman zien arreta bere programa eta zerbitzuen bidez, besteak beste, Arbolarte eguneko zentroa, Etxegoki laguntzadun apartamentuak, Bizinde-Mentoretza soziala, laguntza pertsonala, aholkularitza juridiko eta psikologikoa, enplegua, aisialdiko jarduerak eta kirol jarduerak.