Bizkaiko Foru Aldundiak 'Bizkaia with the talent' izenburuko topaketa antolatu du ekainaren 17rako Barakaldoko BECen, eta talentua sustatzen duten, erakunde, enpresak eta eragileak bilduko ditu talentuaren kudeaketa jorratzeko.

Helburua da esperientziak partekatzea eta STEM profil kualifikatuak erakartzearen, garatzearen eta fidelizatzearen inguruko proiektuak ikusaraztea, foru erakundeko iturriek jakinarazi dutenez.

Jardunaldia Elixabete Etxanobe Bizkaiko ahaldun nagusiak itxiko du, eta Ainara Basurko Ekonomia Sustapeneko foru diputatuak emango dio hasiera. Biek jarriko dute ikusgai Bizkaiko Aldundiak duen konpromisoa STEM (zientzia, teknologia, ingeniaritza eta matematika) talentuaren arloan dagoen arrakala murrizteko.

Topaketaren programak aukera emango du nazioarteko konpainia handiek talentua nola kudeatzen duten ezagutzeko. Horrela, Sergio Ezama Netflixeko Giza Baliabideen zuzendari globalak topaketaren hitzaldi nagusian azalduko du zein den 'streaming' plataformaren antolaketa kultura eta zer lan egiten duen profesionalak oso ingurune lehiakorretan erakartzeko eta garatzeko.

MAILA GLOBALEAN

Pertsonen zuzendaritzan maila globalean duen esperientziatik abiatuta, autonomia, sormena eta bikaintasuna eguneroko bizitzako parte diren lan espazioak sustatzeko gakoei helduko die Ezamak.

Orobat, 'Pertsonak kudeatzeko ibilbide orria' izeneko mahai inguruan izango dira Andrea Martinez Mairu enpresako Giza Baliabideen arduraduna, Leire Jordan Einnek enpresako bazkide

Tokiko kasu arrakastatsuak ere aurkeztuko dira, hala nola Devol enpresa teknologikoarena, nazioarteko talentua integratzeko eredua partekatuko baitu praktiken eta prestakuntza espezializatuaren bidez. Felipe Rebollo Devol enpresako zuzendaria eta Jesus Sevillano sistemen ingeniari eta Deustuko Unibertsitateko Konputazio eta Sistema Adimendunetako Masterreko ikaslea solasean ariko dira eta azalduko dute zein diren profesional gazteak hartzeko eta garatzeko estrategiaren gakoak.

Orobat, 'Pertsonak kudeatzeko ibilbide orria' izeneko mahai inguruan izango dira Andrea Martinez Mairu enpresako Giza Baliabideen arduraduna, Leire Jordan Einnek enpresako bazkide eta pertsona nahiz sistemen zuzendaria eta Zuriñe Larrauri Zunibal enpresako pertsonen zuzendaria. Lan merkatuaren egungo erronkei aurre egiteko beren estrategiak nola egokitzen ari diren azalduko dute.