“Adineko pertsonen parte-hartze handiagoa eta hobea sustatu behar da”

Donostia - Gaur egun, Euskal Autonomia Erkidegoko populazioaren %21ek 65 urte baino gehiago ditu. Baina 15 urtetan, kopuru hori populazioaren %32 izango da, eta, epe horretan bertan, populazioaren erdiak baino gehiagok gaindituko ditu 55 urteak. Datu hauek izugarrizko erronkak planteatuko dituzte etorkizunera begira, eta, hori dela eta, Eusko Jaurlaritzak adineko pertsonen parte-hartze handiagoa sustatzea du helburu, gobernantza hobetzeko alderdi publikoaren kudeaketa-modu berrietan. Beatriz Artolazabal Enpleguko eta Gizarte Gaietako sailburuak atzo Donostian esan zuenez, “gure helburua da adineko pertsonen parte-hartzen handiagoa eta hobea sustatzea, eta parte-hartzea ekarpen gisa eta erantzukidetasun gisa ulertzea; gure gobernantza-eredua hobetzeko funtsezko alderdia den aldetik”. Gipuzkoako hiriburuko Udaletxean bildu ziren adinekoen eta zaintzaileen zenbait kolektiboetako ordezkaieri hau adierazi zien: “Garrantzia handikoa da zuen parte-hartzea, zuen esperientzia lagungarria izango baitzaigu erabaki hobeak hartzeko”.