Erasoak kirolean. Nola egin diezaiekegu aurre delituzko gertaera horiei, eta nola amaitu horrekin? Lan erraza ez izan arren, Eusko Jaurlaritza erasoei aurre nola egin aztertzen ari da, aste honetan bertan iragarri dutenez.
Hala, eta ildo horretatik jarraituz, kirol-lehiaketetan ikusi diren indarkeria-ekintzei dagokienez, Bingen Zupiria bozeramaileak, Eusko Jaurlaritzaren izenean, gaitzespen irmoa helarazi du horrelak gertaeren aurrean. “Jokabide horiek guztiz onartezinak dira. Talde aurkariekiko eta pertsonekiko errespetu falta larria erakusten dute”, azpimarratu du.
Halaber, Zupiriak nabarmendu du kirolaren figura horiek erreferenteak direla gazteentzat, eta ematen ari den adibidea kirol-lehiaketa batek eta kirol-jarduerak eman beharko luketenaren kontrakoa dela.
Gertakari horien aurrean, euskal erakundeak, federazioekin batera, hezkuntzara eta prestakuntzara bideratutako hainbat ekintza bultzatzen ari dira. Sailburuak azaldu duenez, indarkeria prebenitzeko batzordeetan gertatzen diren kasuak aztertzen ari dira, eta egoera horri aurre egiteko, monitorizazio-sistema bat ezarri da, prestakuntza-pilulak sortuz. “Horrek erakundeen, federazioen, kluben eta arbitroen arteko lankidetza maximoa eskatzen du”, gaineratu du.
Azken urteotako datuak aztertuz gero, gertatzen ari diren gertakarien kopurua pandemiaren aurretik zenbatzen zirenen antzekoa da, baina oraindik ere asko dira. Azken azterketaren arabera, 20 topaketatik 1ek onargarriak izan behar ez luketen jokabideak dituzte. Halaber, egiaztatu da gertakari horietako asko liga denboraldiaren amaieran eta, batez ere, igoera edo jaitsiera bat jokoan dagoenean izaten direla.
“Lanean jarraitu behar da. Beharrezkoa da kirol-jardueran parte hartzen duten estamentu guztiek arreta handia jartzea gai horri, eta ahalik eta kirol-diziplina gehienetara zabaltzea azterketa-, prestakuntza- eta zuzenketa-ariketa hori; halaber, kanpainen eta informazio-ekitaldien bidez, horrelako gertakarien larritasuna azpimarratzea ere garrantzitsua da”, amaitu du bozeramaileak.
