Asteburu bat gazteen topaketekin

22 eta 30 urte bitarteko 146 gaztek parte hartu dute asteburu honetan Euskadiko Gazteak Lankidetzan programaren 2023ko edizioko parte-hartzaileak hautatzeko jardunaldietan. Jardunaldi horiek Barriako aterpetxean egiten ari dira. 

Programa hori Eusko Jaurlaritzako Gazteria Zuzendaritzak eta Garapenerako Elankidetza Lankidetzaren Euskal Agentziak sustatu eta antolatu dute, eta Euskadiko gazteak hegoaldeko herrialdeetako lankidetza-ekintzetan sentsibilizatzea eta herrien eta kulturen arteko elkartasun-kultura sustatzea du helburu. 

Amerika, Afrika eta Asiako herrialdeetan lankidetza-ekintzak garatzeko aurrez hautatutako 146 lagunetatik 114 emakumeak dira eta 32 gizonak; jatorriari dagokionez, 22 Arabakoak dira, 75 Bizkaikoak eta 49 Gipuzkoakoak. 

Euskadiko Gazteak Lankidetzan programaren Hautaketa Batzordeak 146 gazte hautatu zituen apirilaren 26an Barriako foru-aterpetxean maiatzaren 12tik 14ra egingo den hautaketa-fase horretan parte hartzeko. Garapenerako Lankidetzaren Euskal Agentziaren, Gazteria Zuzendaritzaren, Gazteriaren Euskal Kontseiluaren eta hainbat GGKEren ordezkariek osatzen dute hautaketa batzorde hori. 

Asteburu honetan, aurrez hautatutakoen egokitasuna baloratuko da, Euskadiko GGKEek aurkeztutako proiektuen arabera. Horretarako, eta gehienez ere ehuneko 50eko balorazioarekin, garatzen diren dinamika eta jardueretan parte hartzen dutenen ekarpena ebaluatuko da, baita proiektuan sartzeko gaitasuna, trebetasun pertsonalak, motibazioak eta abar ere. Bestalde, eta gehienez ere % 50eko balorazioarekin, kontuan hartuko da aurrez hautatutakoen profila bat datorren hautatutako lankidetza-proiektuen ezaugarriekin. 

Jardunaldian zehar, Batzordeak prestakuntza-fasean parte hartuko duten 100 titular hautatu beharko ditu gehienez, eta, era berean, ordezkoak ezarriko dira, uko egiterik balego ere. Maiatzaren 15ean, www.gazteaukera.eus webgunean argitaratuko da hautatutakoen zerrenda. 

Hautatuak izan daitezkeenen profilak askotarikoak izan daitezke, eta lankidetza-proiektuen beharrei erantzun behar diete: hezkuntza, gizarte-lana, psikologia, berdintasuna, monitoreak, komunikazioa eta diseinua, informatika, erizaintza, ingeniaritza, nekazaritza, mekanika edo elektrizitatea, besteak beste. 

Programan parte hartuko duten 100 lagunak hautatu ondoren, maiatzaren 20an eta 21ean prestakuntza aldia egingo da, Barriako aterpetxean hori ere, gazteak prestatu eta kontzientziatzeko eta, aldi berean, esleitutako proiektua ezagutzeko.