Ildo beretik astelehen honetan

Euskalmet euskal meteorologia agentziaren iragarpenaren arabera, astelehen honetan, otsailaren 23an, eguraldiak ildo beretik jarraituko du, eta eguzkia izango da jaun eta jabe, goi-hodei batzuk agertu arren. Egunaren hasieran lainoa eta lanbroa agertuko dira, eta ipar-mendebaldean behe-hodei batzuk ere bai. Hegoaldeko haize ahula ibiliko da, eta arratsaldean kostaldean brisa.

Egunez giroa epela izango da, eta litekeena da beroenak aurreko egunean baino apur bat gehiago igotzea. Hiriburuetan, Baionan 7 gradu espero dira gutxienez eta 17 gehienez, Bilbon 8 gutxienez eta 19 gehienez, Donostian 7 gutxienez eta 17 gehienez, Gasteizen 2 gutxienez eta 18 gehienez eta Iruñean 2 gutxienez eta 18 gehienez.

Kostaldean hego-osagaiko haizea ibiliko da 2-3ko indarrarekin egunaren lehen partean eta gauean, eta arratsaldean eki/ipar-ekialdekoa, 3koarekin; itsaso kizkurra eragingo du, eta arratsaldean itsaskirria. Ipar-mendebaldeko hondoko itsasoak 1,5-2 metro arteko olatuak altxatuko ditu. Itsasgorak 08:24an eta 20:47an izango dira, eta itsasbehereak 02:09an eta 14:37an. Uraren tenperatura 12 gradukoa da eta ikuspena lau eta hamar kilometro artekoa izango da.

BALORAZIOA

Goizean lainoa eta lanbroa izango dira, eta zenbait tokitan iraunkorrak izan daitezke. Zerua hodei gutxirekin egongo da, goi-hodei batzuekin; goizaldean Kantauri isurialdeko zenbait tokitan behe-hodeien tarteak izan daitezke. Norabide aldakorreko haize ahula ibiliko da; goizean eta gauean hego-osagaia nagusituko da eta arratsaldean Kantauri isurialdean ipar-ekialdeko haize bizia. Tenperatura minimoetan aldaketarik ez edo gutxi igoko dira eta maximoak gutxi igoko dira. Arabako zenbait tokitan izotz txikia egin dezake