Udako azoka ekologikoak egingo dira EAEko 12 udalerritan abuztutik urrira

Bionekazaritza (Araba), Ekolur (Bizkaia), Biolur (Gipuzkoa) eta Marisatsa elkarteek udako azoka ekologikoak antolatuko dituzte abuztutik urrira hiru lurraldeotako 12 udalerritan, ENEEK-Ekolurra Euskadiko Nekazaritza eta Elikadura Ekologikoaren Kontseiluaren laguntzarekin eta udalerri bakoitzeko udalen zein kontsumo taldeen parte hartzearekin.

Ekolurrak prentsa ohar bidez jakinarazi duenez, elikagai ekologikoak herritarrengana gerturatzea eta agroekologiaren balioak plazaratzea dira azoken helburuak, eta Zigoitian, Zarautzen, Zumaian, Donostian, Errenterian, Getxon, Zerainen, Azpeitian, Mungian, Gasteizen, Durangon eta Eibarren egingo dira.

Antolatzaileen arabera, udako azoka ekologikoak "aukera paregabea" dira lurraldeko elikagai ekologikoen aniztasuna eta kalitatea ezagutzeko, eta horrela, ingurumenarekiko errespetuz eta intsumo kimikorik gabe ekoitzitako produktuak izango dira protagonista. Elikagaiak Europar Batasuneko hosto berdea duten etiketen bidez identufika daitezke.

ELIKAGAIAK

"Elikagai ekologikoen kontsumoa eguneroko praktika bihurtzea gakoa da, eta horretarako, azoka hauek funtsezko topagune dira herritarrak informatzeko eta kontzientziatzeko", azaldu dute.

Edonola ere, eskaintza ez da salmahaieta bukatuko, hainbat herritan sukaldaritza saioak, dastaketak eta elikagai ekologikoen inguruko erreketak egingo baitira aurten. Helburua da herritarrak gerturatzea, jakin-mina piztea eta kontsumo ekologikorako pausoak erraztea.

Beste gai batzuekin jarraituz, Oinarrizko gizarte zerbitzuen dispositibo berezia Iparralde gizarte etxera lekualdatuko da abuztuan Gsateizen eta bertako langile kopurua bikoiztu egingo da. Kokaleku zentrikoagoa eta herritarrek ezagutzen dutena eskaintzea da helburua, irailera arte itxaron ezin duten behar sozialak dituzten familiei arreta hobea emateko. Gizarte Politiketako Saileko gainerako zerbitzuek normaltasunez funtzionatuko dute.

Gasteizko Udaletik jakinarazi dutenez, hiri osoan kokatutako oinarrizko gizarte zerbitzuek ez diete arretarik ematen abuztuan herritarrei, gizarte etxeen itxiera partzial edo osoaren eta profesionalen oporraldiaren ondorioz. Abuztuko dispositiboa Paula Montal kalean eskaini izan da lehenik, eta azken bost urteetan Ibaiondo gizarte etxean.