Gasteizko Udalak 55.000 euro inbertituko ditu bizikletak mantentzeko eta konpontzeko geltokiak jartzeko

Vitoria-Gasteiz Hobetuz programaren laugarren ediziotik hautatutako 16 proposamenetatik lizitatzen den bigarren proposamena da

Gasteizko Udaleko Gobernu Irekiaren eta Gizarte Etxeen Sailak bizikletak mantentzeko eta konpontzeko 15 geltoki hornitzeko eta instalatzeko lizitazio prozesua hasi du. Inbertsioa 55.000 eurokoa izango da eta, kontratua esleitu ondoren, esleipendunak lau hilabeteko epea izango du lana gauzatzeko.

Hornitutako estazioek hamar erreminta eta QR kodeen bidezko azalpen bideoetarako sarbidea izan beharko dituzte gehienez, erabilera errazteko

Vitoria-Gasteiz Hobetuz programaren laugarren ediziotik hautatutako 16 proposamenetatik lizitatzen den bigarren proposamena da. Ildo horretan, Miren Fernandez de Landa Gobernu Irekiaren eta Gizarte Etxeen zinegotziak azaldu duenez, "'Hobetuz' programan bozkatutako herritarren proposamenak bultzatzen jarraitzen dugu, errealitate izan daitezen. Proposamen honi esker, bizikletak konpontzeko guneak jarriko dira hiriko 15 gizarte etxe eta kiroldegitan".

Zehazki, Pilar, Landatxo, Aldabe, Ibaiondo, Arriaga, Lakua, Zabalgana, Judimendi, Hegoalde eta Iparralde gizarte etxeetan eta Abetxuko, Aranalde, Ariznabarra, San Andres eta Landazuri kiroldegietan jarriko dira geltokiak, eta horrela, "bizikleta konpondu eta mantentzeko aukera gehiago eta segurtasun handiagoa emango zaizkie herritarrei, baita segurtasun handiagoa".

Hornitutako estazioek hamar erreminta eta QR kodeen bidezko azalpen bideoetarako sarbidea izan beharko dituzte gehienez, erabilera errazteko.