Gaur, irailak 25, Farmazialarien Munduko Eguna izango da eta, arrazoi hori dela eta, Gasteizko Udalak ospakizun horrekin bat egingo du eta berdez argituko ditu hiriko hainbat toki: udaletxeko fatxada, Floridako kioskoa, Arkupeko ibilbidea eta Antso Jakituneko pergolak. Horren bidez, argi berde hori, denok ondo ezagutzen duguna, sekula ez dela itzaltzen eta beti herritarren zerbitzura dagoela islatu nahi da, Gasteizko Udaletik prentsa-ohar baten bitartez azpimarratu duten bezala.
Horrela, eta ildo beretik jarraituz, aaurtengo edizioaren leloa izango da Farmazialariekin osasun-sistemak indartzen eta, horren bidez, mundu osoko farmazialariek jarduera esparru guztietatik egiten duten lana nabarmendu nahi izan dute. Hain zuzen ere, lan horri esker, "osasun-sistema osoaren laguntza-gaitasuna handitu daiteke", erantsi dute Gasteizko Udaletik.
Horrela, gaur den irailaren 25ean Farmazialariaren Nazioarteko Eguna ospatzen da, Nazioarteko Farmazia Federazioak eratua. Ospakizun horren helburua da profesional horiek gaixotasunen prebentzioan, osasunaren sustapenean eta mundu mailako tratamenduen jarraipenean duten zeregina sustatu eta babestea.
Hala, ildo beretik, egun honen ospakizunaren beste helburuetako bat da, kimikari farmazeutikoaren zuzendaritzapean, sendagaiak eta gainerako osasun-sargaiak hornitzeko sistemaren oinarrizko jarduerak garatzen laguntzen duten lana balioan jartzea da, bigarren eta hirugarren mailako osasun-zerbitzuak ematen dituzten erakundeetan ekoizpenera bideratutako lana egiten baitute.
