EAEko 1.036.074 langile daude Gizarte Segurantzara afiliatuta, azaroan 4.404 gehitu ondoren

Euskal Autonomia Erkidegoko (EAE) 1.036.074 langabe daude Gizarte Segurantzara afiliatuta azaroa bukatu ondoren, hau da, urrian baino 4.404 gehiago (+%0,43) eta 2024ko azaroan 13.176 gehiago (+%1,29), Espainiako Gobernuko Inklusio, Gizarte Segurantza eta Migrazioen Ministerioak emadako datuen arabera.

EAEko hiru lurraldeetan gehitu dira afiliatuak. Bizkaian 521.780 afiliatu daude, aurreko hilean baino 2.968 gehiago (+%0,57) eta duela urtebete baino 7.890 gehiago (+%1,54); Gipuzkoan 343.335 afiliatu zenbatetsi dira, urrian baino 800 gehiago (+0,23%) eta 2024ko azaroan baino 3.075 gehiago, eta Araban 170.959, hilabete lehenago baino 636 gehiago (+0,37%) eta 2024an baino 2.212 gehiago (+1,31%).

Bestalde, Gizarte Segurantzak EAEn dituen 1.036.074 afiliatuetatik, 865.955 erregimen orokorrean daude izena emanda (horietatik 26.919 etxeko langileak eta 1.691 nekazaritza langileak dira), 166.477 autonomoen erregimenean eta 3.643 itsasoko langileen erregimenean.

Azkenik, azaroa bukatuta, EAEn 912 langile daude aldi baterako enplegu erregulazio espedienteren baten menpe, eta horietatik 638 gizonak eta 274 emakumeak dira.

Bestalde, Euskal Autonomia Erkidegoko (EAE) Barne Produktu Gordinak (BPG) %2,3ko hazkundea izan du 2025eko hirugarren hiruhilekoan aurreko urteko hiruhileko beraren aldean, eta %0,6koa aurreko hiruhulekoaren aldean. Gainera, iaz baino 13.450 lanpostu garbi gehiago sortu dira, Eustat euskal estatistika erakundearen datuen arabera.

Euroguneko ekonomiarako (%1,4) eta Europar Batasun osorako (%1,6) egindako azken zenbatespenen gainetik dago EAEko BPGaren urte arteko hazkunde zenbatetsia 2025eko hirugarren hiruhilekoan. Urriaren 29ko Espainiako hiru hilean behingo kontabilitate nazionalaren aurrerapenean, bestalde, Estatu osorako urte arteko %2,8ko hazkundea zenbatetsi zen.

Eskaintzaren ikuspegitik, balio erantsiaren bilakaera positiboa izan da, bai urte arteko terminoei dagokienez, bai hiruhileko arteko terminoei dagokienez, sektore ekonomiko guztietan, lehen sektorean izan ezik.

Horrela, lehen sektoreak balio erantsiaren %1,5eko jaitsiera izan du termino errealetan aurreko urteko hiruhileko beraren aldean, eta %0,9koa aurreko hiruhilekoaren aldean.

Industrian, balio erantsia %0,2 igo da urte arteko terminoetan, eta manufaktura industriaren kasuan %0,3ko gorakada izan da. Urteko bigarren hiruhilekoarekin alderatuta, industria osoa zein manufaktura industria %0,4na hedatu dira.

Eraikuntzak balio erantsiaren urte arteko %5,0ko igoera izan du 2025eko hirugarren hiruhilekoan, termino errealetan, aurreko hiruhilekoarekin alderatuta %2,3ko gora egin ondoren.