Imanol Alguacil entrenatzaile oriotarrak Realari jakinarazi dio ez duela taldea zuzentzen jarraituko 2024-2025eko denboraldia bukatzen denean, sei urte eta erdiko ibilbidea amaituz, talde txuri-urdinak sarean argitaratutako ohar batean iragarri duenez.
"Imanol Alguacilek datorren denboraldian taldea zuzentzen ez jarraitzeko erabakia jakinarazi dio Realari"
"Imanol Alguacilek datorren denboraldian taldea zuzentzen ez jarraitzeko erabakia jakinarazi dio Realari. Orioko entrenatzaileak, taldearen buruan sei denboraldi eta erdi eman ondoren, talde txuri-urdinaren lidergoa utziko du denboraldia amaitutakoan", dio Realaren mezuak.
Talde donostiarrak gogorarazi du "borrokatzeko asko" dagoela Imanolek kluba utzi aurretik: "Europarako seigarren sailkapenak eta istorio zoragarri honek guztien ahalegina merezi dute. Eskerrik asko, Imanol"
Edonola ere, talde donostiarrak gogorarazi du "borrokatzeko asko" dagoela Imanolek kluba utzi aurretik: "Europarako seigarren sailkapenak eta istorio zoragarri honek guztien ahalegina merezi dute. Eskerrik asko, Imanol".
EA Sports Ligako 33. jardunaldian Alavesen aurka 1-0 galdu ondoren etorri da Imanolen erabakiaren jakinarazpena
EA Sports Ligako 33. jardunaldian Alavesen aurka 1-0 galdu ondoren etorri da Imanolen erabakiaren jakinarazpena. Athleticen aurka 2021ean lortutako Kopa eta Europako txapelketetarako bost aldiz sailkatu izana nabarmentzen dira 53 urteko Orioko teknikariak 2018ko martxoan talde txuri-urdinaren ardura hartu zuenetik egindako ibilbidean.
