BILBO. Jaialdiko arduradunek iragarri dutenez, martxoaren 23ko aurkezpenean, Travellin' Brothers talde bizkaitarrak "One day in Norway" disko berria aurkeztuko du zuzenean, "joan den urtean Mundaka Festivalen izandako harrera arrakastatsuaren lekuko bezala". Zazpigarren lana kaleratu berri du taldeak eta Azkuna Zentroko atrioan eskainiko du aurkezpeneko Euskal Herriko lehen emanaldia.
Esan bezala, Mundaka Festival jaialdiaren bigarren edizioa uztailaren 28, 29 eta 30ean ospatuko da eta "sorpresaz eta berritasunez beterik dator, betiko moduan bertako zein nazioarteko eszena musikalaren eta gastronomiaren onena inguru paregabean ezkonduz".
