Euskarak urtez urte bultzada eta indar handiagoa har-tzen jarraitzen du Araban. Herritarren ahaleginari zor zaio, baina baita erakundeek bultzatzen dituzten ekimenei ere, herritarrak hizkuntza ikastera animatzen jarrai dezaten, baina baita hizkuntza hori erabiltzera ere. Hain zuzen, Gasteizen eta Araban euskararen ezagutzari eta erabilerari buruz erabiltzen diren azken azterketa eta datuen arabera, zenbakiek erakusten dute gero eta herritar gehiagok ikasten dutela hizkuntza, erritmo onean. Hala ere, ikaskun-tzan dagoen abiadura hori moteldu egiten da erabileraren kasuan. Horrek esan nahi du eta agerian uzten du euskara dakiten pertsona guztiek ez dutela erabiltzen eguneroko bizitzan edo aisialdian. Horregatik, gero eta garrantzi handiagoa hartzen ari da aisialdian haren erabilera bultzatzeak. Arabako Foru Aldundiak eta Gasteizko Udalak bat egin dute berriro konpromiso horretan eta norabide horretan.
Hala, nabarmentzekoa da Arabako Foru Aldundia eta Gasteizko Udala 2014az geroztik ari direla euskara denbora librean eta kirola sektorean sustatzeko hainbat bide bilatzen. Oraingo honetan, bi erakundeek gida bat sortzea erabaki dute, hezitzaileei zenbait irizpide interesgarri proposatzeko euskararen erabileran eragiteko. Baliabidearen aurkezpenean Iñaki Gurtubai Gasteizko Udaleko Euskara zinegotzia eta Lexuri Ugarte Arabako Foru Aldundiko Euskara zuzendaria egon ziren. Aldundiak eta Udalak aurkezpenean adierazi zutenez, azken azterketen arabera, haurren sozializazioa eremu ez-formalean gertatzen da. Hau da, familian eta eskolan ez ezik, aisian, kolonietan, eskolaz kanpoko jardueretan edo ludoteketan ere bai, besteak beste. Hori dela eta, azpimarratu zuten oso garrantzitsua dela haur horiek beren lagunekin euskaraz harreman berriak sortzeko aukera izatea. Nabarmendu zutenez, ikastetxe horietako guztietako hezitzaileei dagokie euskaraz ikasteko eta aurkikuntzak egiteko bide hori, haurrek euskarazko jarduerak egin ditzaten. "Ikerketen arabera, 4-8 eta/edo 9-12 urte bitarteko haurren sozializazioa, familietan eta eskoletan ez ezik, eremu ez-formalean ere gertatzen da: aisialdian, udalekuetan, eskolaz kanpoko jardueretan, kiroletan, ludoteketan... Haurrek eta nerabeek aukera izan behar dute beren ikaskideekin harreman berriak euskaraz sortzeko eta euskaraz bizipen atseginak jasotzeko. Hezitzaileak diren heinean, begiraleei dagokie horretarako aukera ematea". "Euskararen erabileran eragin nahi badugu, hezitzaileak euskarria izan behar du; hau da, ulertzen duten neurrian, elkarrizketetan euskara mantendu behar du, solaskideak gaztelaniaz erantzun arren", adierazi zuten. Garrantzitsua da, halaber, "hezitzaileak eragina izan dezake parte-hartzaileen arteko elkarrizketetan, horietan parte hartuz, euskarak solasaldian presentzia galtzen duenean", gaineratu zutenez. Azken hirugarren puntu bat eta kontuan hartu beharreko elementu garran-tzitsu bat ere nabarmendu zuten: "Hainbat jolas, dinamika eta jardueratan, adibidez, hizkuntzak eta komunikazioak pisu espezifikoa dute, eta horrek erabilera sustatzea ahalbidetzen digu".
"Oraingo honetan, Ludoteketan euskararen erabilera sustatzeko gida bat aurkeztuko dugu. Gida honek badu berezitasun bat: modu parte-hartzailean sortu da. Izan ere, Geu Elkarteak, gidaren sortzaileak, Gasteizko eta Arabako ludoteketako hezitzaile batzuekin bildu da, eta esparru teorikoa ludotekaren eguneroko dinamikara nola eraman landu dute beraiekin. adimen kolektiboa aktibatu nahi izan dute eta oso esperientzia aberasgarria izan da".
Gidaliburuan aisialdiko hainbat egoeratan euskara erabiltzeko moduari buruzko gomendioak aurki daitezke, baita ludoteken berezitasunak eta horiek nola kudeatu ere, lan-tzeko funtsezko lau estrategiez eta adibide praktiko eta proposamen batzuez gain. Horrela, Lexuri Ugarteren eta Iñaki Gurtubairen taldeak aurrerapauso bat eman du euskararen alde, gero eta haur eta gazte gehiagok egin dezaten euskararen aldeko apustua eguneroko bizitzan, ez bakarrik familiarekin, baita aisialdian ere.
Horrela, euskara haur askoren hizkuntza nagusi gisa barneratzen joan nahi dute, euskarak belaunaldi gazteenen artean indarra eta bultzada irabazten jarrai dezan. Bide horretan, askotan, Geu Elkartearekin batera egiten dute lan. Elkarte horrek, aldi berean, Arabako herritar guztiei euskarazko aisia eta dibertsioa eskaintzen die, programazio zabal batekin.
Elkarlanean. Arabako Foru Aldundia eta Gasteizko Udala aisialdian eta kirolean euskara sustatzeko hainbat bide bilatzen ari dira 2014tik, sektoreko pertsonentzat. Oraingo honetan, bi
erakundeek gida bat argitaratzea erabaki dute, arlo horietan lan egiten duten hezitzaileei euskararen erabileran eragiteko kontuan hartu beharreko irizpide interesgarriak proposatzeko. Baliabidearen aurkezpenean Iñaki Gurtubai Gasteizko Udaleko Euskara zinegotzia eta Lexuri Ugarte Arabako Foru Aldundiko Euskara zuzendaria egon dira.
Esaldia. "Oraingo honetan, Ludoteketan euskararen erabilera sustatzeko gida bat aurkeztuko dugu. Gida honek badu berezitasun bat: modu parte-hartzailean sortu da. Izan ere, Geu Elkarteak, gidaren sortzaileak, Gasteizko eta Arabako ludoteketako hezitzaile batzuekin bildu da, eta esparru teorikoa ludotekaren eguneroko dinamikara nola eraman landu dute beraiekin. adimen kolektiboa aktibatu nahi izan dute eta oso esperientzia aberasgarria izan da". Gidaliburuan aisialdiko hainbat egoeratan euskara erabiltzeko moduari buruzko gomendioak aurki daitezke, baita ludoteken berezitasunak eta horiek nola kudeatu ere, lan-tzeko funtsezko lau estrategiez eta adibide praktiko eta proposamen batzuez gain. Horrela, Lexuri Ugarteren eta Iñaki Gurtubairen taldeak aurrerapauso bat eman du euskararen alde, gero eta haur eta gazte gehiagok egin dezaten euskararen aldeko apustua egunero.
