Larunbatean Araban jaiotako GKE berri bat aurkeztuko dute
'Educando mentes' GKEa da, eta Armentian aurkeztuko du proiektuaBi proiektu ditu martxanGambiako herrialde azpigaratuetako pertsonei laguntzeko
- Educando mentes estatuko hainbat eskualdetako eta Gambiako pertsonek sortu dute, eta herrialde azpigaratuetako pertsonei "beste era batera" laguntzeko sortu da. Hilabete gutxi batzuk dituen erakundea da, eta datorren larunbatean aurkeztuko da Armentian gizarte osoarentzat.
Horrela, GKE berri horrek dagoeneko martxan ditu bi proiektu (Kolior School eta Lanbide Heziketa guztiontzat), eta irabazi asmorik gabeko elkarte honen helburu nagusia da Gambiako gazteek 15 eta 20 urte bitarteko prestakuntza kualifikaturako sarbidea hobetzeko lan egitea eta laguntzea. "Gambia Afrikako herrialderik txikiena da eta munduko eskualde pobreenetako bat, Ekonomia Lankidetza eta Garapenerako Erakundearen adierazleen arabera", esan zuten atzo Erakundetik. "Hala ere, bertan 2.000.000 pertsona inguru bizi dira, eta horietatik %45 15 urtetik beherakoak dira", adierazi zuten. Azaldu zutenez, adin horretara arte bakarrik dago araututa hango hezkuntza, eta, ondorioz, gazteek ez dute prestakuntza "kualifikatua" izateko aukerarik. Eta arlo horretan lagundu nahi du, hain zuzen ere, irabazi asmorik gabeko erakunde honek.
Larunbat honetarako, Educando mentes-ek ekitaldi solidarioa antolatu du. Goizeko hamaiketan hasiko da, eta Gambiari eta elkarteari buruzko hitzaldia emango da. Armentiako Administrazio Batzarrean (Landa kalea, 2) izango da hitzaldia, eta Ganbiako hezkuntzari buruz eta erakunde arlo horretan eman nahi duen laguntzari buruz arituko da. 12:30etik aurrera, festa txiki bat izango da Armentia garagardotegian. Zuzeneko musika egongo da Elh Malicketa Sophieren eskutik.
Gainera, elkarteko boluntarioek Gambian egiten dituzten proiektuen berri emango dute, eta kamisetak, poltsak, motxilak edo imanak bezalako artikuluak erosi ahal izango dira, besteak beste (Gambian eskuz egindako artikuluak izango dira). Azkenik, eguerdiko hiruretan bazkaria egingo da.
"Gambia Afrikako herrialderik txikiena da eta munduko eskualde pobreenetakoa"
Temas
Más en Araba
-
Un retoño del árbol de Gernika llega a Álava en el 87 aniversario del bombardeo
-
En imágenes: Ocho parejas de dantzaris compiten en el campeonato de danza de Gasteiz (¡Búscate en las fotos!)
-
Udalak gurpil-lerroko irristailuen hockey-pista berria jarriko du Olaranbeko kiroldegian
-
Ariznabarran pintada bandalikoak ezabatzeko proiektuak Platinozko Erratza saria jaso du