Egoerak eragindako eskaerak ezeztatzea

- Rafa Santa Isabel loradendako taldeko kideak esan duenez, loreen salmentak iaz baino zertxobait okerrago eta motelago doaz: “Gutxiago saltzen ari direla uste dut. Adineko pertsonak gertatzen ari den guztiarekin etxetik ateratzeko beldur dira”, uste du. Gainera, udalerritik justifikaziorik gabe irteteko murrizketak loreen salmenta ere murriztu du: “Gaur bertan, (atzotik), Aguraingo familien eskaera asko bertan behera utzi dituzte, ezin izango direlako etorri indarrean dagoen lege berria dela eta”, zehaztu du.

Loreen prezioak aurreko urteetakoen antzekoak dira, baita eskaerak ere: “Krabelinak dira bezeroek gehien eskatzen dituztenak data horietarako”, azaldu du. “Ostiralean edo larunbatean jende gehiago egongo dela uste dugu, ez dut uste familiak igandera arte itxarongo dutenik, pilaketak saihestuko dira”, ondorioztatu du.