Euskal Herriko Unibertsitateko (EHU) Zitek ekintzailetza programak antolatu duen Handira Jo sarien banaketa ekitaldia egingo da asteazken honetan, abenduaren 17an, Bilboko Bizkaia Aretoan.
Sarien hirugarren edizioa da, eta, aurreko bietan bezala, doktorego tesia egitean ikerketa taldeetan sortutako I+G+B emaitzetatik eratorritako ekimen ekintzaileak eta berrikuntza sustatu eta aitortzea da helburua, EHUk jakinarazi duenez.
Lehiaketaren helburu espezifikoen artean daude unibertsitateko ikerketa eta teknologiatik eratorritako produktu edo zerbitzuek enpresa berriak sortzeko izan dezaketen aukera identifikatzea, eta unibertsitateko kideen artean enpresa kultura sustatu eta zabaltzea.
Lehen saria 5.000 eurokoa izango da, bigarrena 4.000 eurokoa eta 2.000na euroko bi hirugarren sari izango dira. Tesi sortzaile eta berritzaileenari emango zaion accesit bat ere banatuko da, 2.000 eurokoa
Era berean, ekimenaren beste xede batzuk dira unibertsitatearen ahalmen berritzailea baliatzea bestelako enpresa ideiak sortzeko, eta lan munduan sartzeko formula berriak bultzatzea, enpresa sarea dinamizatu eta berritzeko funtsezkoak izango direnak.
EKITALDIA
Sari banaketa ekitaldia 12:00eta hasiko da eta enpresa bihurtzeko aukerarik handiena duen doktorego tesia aitortuko da. Ekitaldian, irabazleek gehienez hiru minutuko aurkezpena egin ahal izango dute, beren proiektua eta ikerketaren emaitzak publikoarekin partekatzeko.
Hala, eta ildo horretatik jarraituz, EHUtik azpimarratu duten bezala, lehen saria 5.000 eurokoa izango da, bigarrena 4.000 eurokoa eta 2.000na euroko bi hirugarren sari izango dira. Tesi sortzaile eta berritzaileenari emango zaion accesit bat ere banatuko da, 2.000 eurokoa, ondorioztatu dutenez.
