Moriarti ekoiztetxearen film sorta eskainiko du Primeran plataformak

Moriarti Produkzioak etxeko Aitor Arregi, Jon Garaño eta Jose Mari Goenaga zinemagileen film luze eta laburrekin osatutako bilduma berezia estreinatu du Primeran plataformak astelehen honetan, ekoiztetxeak aurtengo Donostiako Urrezko Danborra jasoko duela ospatzeko, EITBko iturriek jakinarazi dutenez.

EITBren Primeran plataformak bat egingo du omenaldiarekin, Arregi, Garaño eta Goenagaren zinema euskaraz eta doan eskainita

Donostiako Udalak urtero ematen duen golardoa jasoko dute hirurek astelehen honetan, hirian bertan jaiotako ekoiztetxeak bere lana "mundu osora zabaltzeko" erakutsitako gaitasuna aitortzeko.

Hala, EITBren Primeran plataformak bat egingo du omenaldiarekin, Arregi, Garaño eta Goenagaren zinema euskaraz eta doan eskainita. Zehazki, 80 egunean (2010), Loreak (2014) eta Handia (2017) film luzeak eta Asämara (2008), Urrezko eraztuna (2011), Zarautzen erosi nuen (2014), Berriztagarria (2016) eta Mateoren ama (2019) film laburrak ikusi ahalko dira. Lucio (2007) dokumentala ere badago bilduman.

Azken hilabeteotan zehar euskal zinema onenaren arrakasta handiak estreinatu ditu Primeran plataformak, euskaraz, "eta, oraingoan ere, gure zinemaren aldeko apustua" berretsi nahi izan du

Azken hilabeteotan zehar euskal zinema onenaren arrakasta handiak estreinatu ditu Primeran plataformak, euskaraz, "eta, oraingoan ere, gure zinemaren aldeko apustua" berretsi nahi izan du. Primeran doakoa da eta nahikoa da erregistratzea eduki guztiak eskura izateko, ondorioztatu dutenez.