Udako hilabeteetan egin ohi diren mantentze-lanen ondoren,gaur, igandea, ohiko ordutegian irekiko dira Abetxuko, Iparralde eta Salburuko gizarte-etxeetako igerileku estaliak. Udal-instalazio horiek erabili nahi dituztenek 8:00etatik 21:30etara izango dute bertara joateko aukera.
Igerileku horiek Arabako hiriburuan, hain zuzen ere Gamarrako parkean eta Mendizorrotzako kirolgunean dagoeneko martxan daudenei gehitu behar zaizkie
Igerileku horiek Arabako hiriburuan, hain zuzen ere Gamarrako parkean eta Mendizorrotzako kirolgunean, dagoeneko martxan daudenei gehitu behar zaizkie. Gamarrako parkeaz irailaren 8ra arte gozatu ahal izango da, eta Mendizorrotzako aire zabaleko igerilekuetara irailaren 15era arte joan ahal izango da.
Bestalde, udal-baliabide horiek prest jartzeko egindako osasun-kontrolen emaitzen ondorioz, instalazio horietako batzuk irekitzeko data aldatu behar izan dute.
Zehazki, Judimendiko helduentzako igerilekuak eta Zabalgana, Lakua eta Aldabeko txikientzako igerilekuak irekiko dituzte.
Gizarte-etxe horietako gainerako igerilekuek eta Hegoaldekoek itxaron egin beharko dute eguneroko azterketek ura bainatzeko egoera ezin hobean dagoela ziurtatu arte.
Igerileku horietan bainatzeko baimena eman arte, San Andres (irailaren 1etik 18ra ixtea aurreikusita zegoen) eta Ibaiondo (irailaren 1etik 29ra ixtea aurreikusita zegoen) igerilekuak mantenduko dira.
Mendizorrotzako igerileku estaliak itxita egongo dira irailaren 15era arte, aurreikusita zegoen bezala, ondorioztatu dute Gasteizko Udaletik
