EHUko hiru campusetako Esperientzia Geletako azken ikasmailako ikasleak bilduko dira ostiralean
Euskal Herriko Unibertsitateko (EHU) hiru campusetako Esperientzia Geletako azken ikasmailako ikasleak lehen aldiz bilduko dira esperientziak partekatzeko EHUko Esperientzia Gelen I. Jardunaldian. Ostiralean izango da, apirilaren 19an, Donostiako Carlos Santamaria ikastegiko entzunaretoan.
Sistema demokratikoaren krisiari buruz hausnartzeko eta eztabaidatzeko espazio bat eskaintzea da jardunaldiaren helburua
Hala, eta ildo horretatik jarraituz, gainera, EHUko iturriek jakinarazi dutenez, sistema demokratikoaren krisiari buruz hausnartzeko eta eztabaidatzeko espazio bat eskaintzea da jardunaldiaren helburua. Horretarako, Demokraziaren krisia lelopean, hitzaldi bana egingo dute gaian adituak diren bi pertsonak.
Hain zuzen, Daniel Innerarity filosofia politiko eta sozialeko katedradunak 'Demokraziaren etorkizuna' izeneko hitzaldia eskainiko du, eta Cristina Monge politologo eta Zaragozako Unibertsitateko doktoreak 'Gure belaunaldiko demokraziaren krisia' izenekoa. Topaketa amaitzeko, bildutakoek Tabakalera Kultura Garaikidearen Nazioarteko Zentroa bisitatuko dute.
EHUko Esperientzia Gelen I. Jardunaldiaren irekiera instituzionala 10:00etan izango da, eta Agustin Erkizia Gipuzkoako campuseko errektoreordeak, Amaia Irazusta Gipuzkoako Esperientzia Gelen zuzendari akademikoak, Aritz Ruiz Bizkaiko Esperientzia Gelen zuzendari akademikoak eta Idoia Igartua Arabako Esperientzia Gelen zuzendari akademikoak parte hartuko dute.
Inaugurazioaren ondoren, Innerarityk eta Mongek beren hitzaldiak eskainiko dituzte eta, jarraian, Idoia Igartua EHUko Zuzenbide Fakultateko irakasleak mahai inguru bat moderatuko du.
Temas
Más en Actualidad
-
Un terremoto de 4,4 grados sacude Nápoles, el mayor de los últimos 40 años pero sin daños
-
Irán celebrará elecciones presidenciales el 28 de junio tras la muerte de Raisí
-
Arratiako Udalen Mankomunitatea Bultzatu Fundazioarekin ariko da mendekotasuna dutenei laguntza teknikoa emateko
-
Sunak se disculpa por el escándalo de la sangre contaminada: "Hoy es un día de vergüenza"