Larunbatean zuhaitzak landatzeko ekitaldia egin zen Isuskitzamendin, UPV/EHUko Plentziako Itsas Estazioak antolatuta, Plentzia Herri Lurrak elkartearekin batera. Han, Itsas Ingurumena eta Baliabideak Erasmus Mundus masterreko XVIII. promozioko 45 ikaslek Plentziako Itsas Estazioko 12 irakasle eta ikertzailek eta Eva Ferreira UPV/EHUko errektoreak lurra prestatu eta haritzak landatu dituzte.
Hala, eta ildo horretatik jarraituz, zehazki, hirurehun haritz landatuko ditu MER Community Summitek 2022an utzitako CO2 aztarna konpentsatzeko. Ondorengo urteetan, hurrengo promozioek haritz belaunaldi berri bat landatuko dute otsailero, masterreko ikasketetan zehar munduan zehar egiten dituzten bidaien arrastoa murrizteko.
Baso honek Plentziako Itsas Estazioan ematen diren nazioarteko masterrek urtero sortzen duten CO2 aztarna konpentsatu nahi du baita ere. Ikasleek basoa zaintzen eta handitzen lan egingo dute hurrengo urteetan, ingurumen-kontzientzia eta iraunkortasunaren pedagogia sustatzeko.
MER basoa
"Duela bi urte mundu osoko 250 pertsona joan ziren MER Community Summit 2022ra (Itsas Ingurumena eta Baliabideak Erasmus Mundus 10. Urteurrena ospatzeko). Horrek CO2 aztarna handia utzi zuen, eta, horregatik, MER basoa sortzea pentsatu zen, iraunkortasun-eredu gisa konpentsatzeko", azpimarratu zuten Euskal Herriko Unibertsitatetik.
Bestalde, Euskal Herriko Unibertsitateko (EHU) Zientzia eta Teknologia Fakultateko ikasleek sektoreko enpresekin lehen harremana izateko aukera izango dute gaur, Berrikuntza Teknologikoko Enpresak eta Zentroak aurkezteko XIX. Jardunaldian.
Topaketa 12:00etan hasiko da, Leioako campusean, eta bere helburua da ikaseek praktikak egin edo curriculum vitaea aurkez dezaketen enpresak eta zentroak ezagutzea, EHUko iturriek jakitera eman dutenez.
Guztira, 53 enpresa eta zentro izango dira bertan, eta azken urteko 600 ikasle baino gehiago hurbilduko dira erakusmahaietara. Besteak beste, Iberdrola, Idom, BBK eta Tecnalia eta biozientziekin, geologiarekin, matematikarekin, fisikarekin, kimikarekin eta ingeniaritza elektronikoarekin zerikusia duten zentro eta enpresak izango dira. Standak fakultateko lehen solairuan, sarrera nagusian eta Grand Salle erabilera anitzeko aretoan izango dira.
