Madrilen pertsona bat atxilotuta itxi du Ertzaintzak Sevillan iruzur informatikoen kontra egindako operazioa

Ertzaintzak Gipuzkoan hasi zuen eta Sevillan hiru pertsona atxilotuta egin den operazioa manipulazio informatikoaren bidez egindako ustezko iruzur-delitu batengatik eta ustez kapitalak zuritzeagatik ikertutako azken pertsona atxilotuta amaitu da. Gizona Adolfo Suarez Madrid-Barajas aireportuan atxilotu du Polizia Nazionalak.

Laugarren inplikatu hori atxilotuta amaitu da Ertzaintzak eta Guardia Zibilak orain dela egun batzuk Sevillako probintzian gauzatu zuten operatibo bateratua. Poliziak lau pertsona ikertzen ari ziren, baina operatiboan 3 atxilotu zituzten, ikertzen ari ziren laugarren pertsona ez baitzekiten non zegoen, eta pertsona hori aurkitzeko aukera guztiak zabalik utzita hasi ziren haren bila.  

Ertzaintzak 2022ko ekainean hasi zuen ikerketa Gipuzkoan jasotako salaketa batean oinarrituta. Ikerketapean zegoen taldeak “Man in The Middle” izenez ezagutzen den iruzurra egiten zuen, eta bi enpresaren arteko ordainketak bidean eteten zituen eta helmugako bankuko kontua aldatzen zuen. Ikerketa-operatibo horretan koordinatuta jardun dute Gipuzkoako Ikerketa Kriminaleko Lurralde Zerbitzuak eta CITCOk (Terrorismoaren eta Krimen Antolatuaren aurkako Inteligentzia Zentroa), Donostiako 5. Instrukzio Epaitegiak zuzenduta.

Azken atxiloketa horrekin itxi dute Ertzaintzak delitugile-talde horren inguruan hasitako ikerketa. Polizia-eginbideen arabera, salaketa jarri zuen enpresak ehun mila eurotik gorako ondare-galera izan zuen lehenengo iruzurrean, eta gero berrehun mila eurotik gorako bigarren iruzur-saiakera bat izan zuen.