45 urtetik gorakoentzako laguntza, Udalaren laguntza ekonomikoak eska ditzakezu enpleguaren egonkortasuna sustatzeko

45 urtetik gorako pertsonentzat enpleguaren egonkortasuna sustatzeko udal laguntzen eskaera dago oraindik ere martxan. Hala, Gasteizko udal-mugarteko lantokietan enpleguaren egonkortasuna sustatzeko dirulaguntzak dira, aldi baterako kontratuak mugagabe bihurtzeagatik.

Nork eskatu dezake laguntza hori?

Deialdiaren baldintzak betetzen dituzten enpresak edo entitateak (haien forma juridikoa edozein dela ere). Epea 2023ko ekainaren 1etik irailaren 15era izango da (ALHAO, 53zk 2023ko maiatzaren 8a eta ALHAO, 96zk 2023ko abuztuaren 16a).

Betebeharrak

Aldi baterako kontratuak mugagabe bihurtzea Vitoria-Gasteizeko lantokietan, 2023ko urtarrilaren 1etik irailaren 15era bitartean, bi datak barne.

Mugagabe bihurtutako kontratuak gutxienez bihurketaren aurreko sei hilabeteetan Vitoria-Gasteizen erroldatutako pertsonenak izango dira. Pertsona hauek 45 urte edo gehiago izan beharko dute bihurketaren egunean.

Diruz lagundu daitekeen gutxieneko lanaldia % 50ekoa izango da.

Laguntza ematen bada, eta hala eskatuta, bihurketa egin eta 12 hilabetera entregatu beharreko dokumentazioa:

Afiliatuaren lan-bizitzari buruzko txostena.

Aldi baterako kontratua mugagabe bihurtu ondorengo 12 hilabeteetako nominak eta ordainagiriak.

Ofizioz eskatzeko baimena ukatuz gero, Foru Ogasunean eta Gizarte Segurantzarekin dituen zerga-betebeharrak egunean dituela egiaztatzen duten ziurtagiriak (Udalaren ordainketak egunean dituela egiaztatzen duen ziurtagiria ofizioz egingo da).

Eskaerak egitean aurkeztu beharreko agiriak:

Eskabidea, atal guztiak beteta.

Entitate eskatzailea identifikatu eta egiaztatzeko agiriak:

IFZ edo AIZ (pertsona autonomoak), IFK (enpresak/erakundeak).

Eratze-eskritura, enpresaren/erakundearen estatutuak, ordezkaritza-ahalordearen egiaztapena. Enpresaren edo erakundearen NAN edo AIZ (autonomoak badira) edo IFZ. Enpresaren/erakundearen ordezkaritzari edo sozietate-partaidetzari eragiten dioten geroko aldaketak.

Legezko ordezkariaren NANaren kopia.

Ofizioz eskatzeko baimena ukatuz gero, Foru Ogasunean eta Gizarte Segurantzan ordainketak egunean dituela egiaztatzen duen ziurtagiri eguneratua (Udalean ordainketak egunean dituela egiaztatzen duen egiaztapena ofizioz egingo da).

Kontratatutako pertsonaren betekizunak egiaztatzeko agiriak:

Laguntza jasoko duen lan-kontratua, bi aldeek sinatuta, enplegu zerbitzuei kontratazio hori bide telematikoz jakinarazi izanaren egiaztagiriarekin batera.

Laguntzaren objektu den afiliatuaren lan-bizitzaren txostena.

Kontratatuaren NAN edo AIZ.

Kontratazioaren urteko soldata-kostuen ziurtagiria, enpresa/erakunde eskatzaileak sinatuta. Urteko soldata-kostuen kalkulua, deialdi honi dagozkionetarako, dirulaguntzaren xede den kontratua duen langilearen soldata gordinaren araberakoa izango da, enpresa edo entitatearen kontura diren gizarte-segurantzako kostuak gehituta, kontratua mugagabe bihurtu ondorengo 12 hilabeteak aintzat hartuta.

Hala badagokio, dibertsitate funtzionalaren egiaztapena, ondorioztatu dute Gasteizko Udaletik berain web orrialdean.