Hamar herritarretik hiruk urtean hamar-hamabi liburu irakurtzen dituzte, hau da, hilean ia liburu bat, Berubyk Amazon.es etxearentzat egindako Lectura, Escrituray Creación Literaria en España ikerketaren arabera. Azterketa hau aste honetan aurkeztu da, bihar ospatuko den Liburuaren Eguna dela eta.
Azterketa horretan adin guztietako 3.000 herritar inguruk parte hartu dute (18 urtetik 80 urtera bitartekoak). Ildo horretan, nabarmentzekoa da inkesta erantzun duten hamarretik lauk ( % 42) urtean bost liburu baino gutxiago irakurtzen dituztela, eta hamarretik bik hilean liburu bat baino gehiago ( % 18). Hala ere, herritarren % 10ek ez dute libururik irakurtzen urtean, ikertzaileen esanetan, eta kopuru horiek superirakurleen kategoria oraindik gutxiengoa dela erakusten dute.
Irakurtzeko arrazoiari dagokionez, herritarren % 44k diote entretenitzeko irakurtzen dutela, eta % 20k ikasteko edo bere buruarekin ondo sentitzeko irakurtzen dutela ( % 19).
Adinari dagokionez, ikerketak adierazten du adin ertainean dagoela irakurtzeko zaletasunik handiena. Ildo horretan, 41-60 urte bitarteko adin-taldean dago liburu-zaletuen ehuneko handiena ( % 51), eta, ondoren, 31-40 urte bitartekoen taldean ( % 31). 60 urtetik gorakoei dagokienez, txostenak erakusten du inkestatuen % 6k bakarrik adierazi duela irakurzalea duela; 80 urtetik gorakoen artean, berriz, ehuneko hori % 2ra jaisten da. Bestalde, inkestatuen % 76k uste du liburuak Internet bidez erosteak irakurketa denentzat eskuragarriagoa egiten duela. Horietatik, % 59k nabarmendu dute Interneten gustu guztietako liburuak aurki ditzaketela, eta % 41ek, berriz, nabarmendu dute liburuak edozein lekutan azkar jasotzeko aukera dutela.
