Kontsumo Prezioen Indizea (KPI) %0,6 gehitu da martxoan Euskal Autonomia Erkidegoan (EAE) aurreko hilaren aldean, eta horrela, urte arteko tasa %3,2 da. Gainera, prezioak %1,4 igo dira 2024. urteko lehen hiru hilabeteetan, INE estatistika erakundeak ostiral honetan plazaratutako datuen arabera.
Prezioak sektore guztietan igo dira martxoan otsailaren aldean, alkoholdun edari eta tabakoan (-%0,5), garraioan (-%0,6), komunikazioetan (-%0,1) eta besteetan (-%0,2) izan ezik. Bada, prezioak %5,3 gehitu dira jantzi eta oinetakoetan, %2,2 etxebizitzan, %0,1 tresnerian, %0,5 sendagaietan, %1,9 aisia eta kulturan eta %0,6 hotel, kafe eta jantokietan; elikagai eta alkoholik gabeko edarietan eta hezkuntzan ez da aldaketarik izan (%0,0).
Halaber, urteko lehen hiru hilabeteak kontuan hartuta, prezioak jantzi eta oinetakoetan soilik jaitsi dira (-%9,2), gainerakoetan igo egin baitira: %1,3 elikagai eta alkoholik gabeko edarietan, %5,1 alkoholdun edari eta tabakoan, %4,9 etxebizitzan, %0,4 tresnerian, %1,5 sendagaietan, %2,4 garraioan, %1,8 komunikazioetan, %0,8 aisia eta kulturan, %0,1 hezkuntzan, %1,2 hotel, kafe eta jantokietan eta %1,4 besteetan.
Azkenik, urte arteko aldiari dagokionez (aurtengo martxoa iazkoaren aldean), prezioek gora egin dute sektore guztietan: %4,6 elikagai eta alkoholik gabeko edarietan, %3,6 alkoholdun edari eta tabakoan, %1,0 jantzi eta oinetakoetan, %1,0 etxebizitzan, %2,0 tresnerian, %2,9 sendagaietan, %2,9 garraioan, %0,5 komunikazioetan, %3,9 aisia eta kulturan, %2,2 hezkuntzan, %4,4 hotel, kafe eta jantokietan eta %3,7 besteetan.
