Bere ahotsa eta bere musika erreferente bihurtu da euskal musikan, euskara bultzatzeagatik eta reguetoiko musika estiloa hizkuntza horretara eramateagatik. Iratxe Aguilera du izena, baina denek ezagutzen dute Kai Nakai izen artistikoarekin.
"Txikitatik musika dut gustuko eta 2020an hasi nintzen nire musika munduari erakusten. Egun arte, album bat, EP bat eta lau single atera ditut eta kotzertuak ematen aritu naiz"
Alaia, euskararekin konprometitua, sortzailea eta irudimen handikoa, Kai Nakai txikitatik dabil musikarekiko grina eta maitasuna sentitzen. “Txikitatik musika dut gustuko eta 2020an hasi nintzen nire musika munduari erakusten. Egun arte, album bat, EP bat eta lau single atera ditut eta Euskal Herria osotik kontzertuak ematen aritu naiz. Nire proiektu hau poliki aurrera doala ikusten dut eta ilusioa egiten dit, nire ametsa musikaz bizitzea delako”, aitortzen du egunkari honetan.
Profesional hau txikitan hasi zen musikan, hainbat korotako kide ere izan zen eta gero Youtubeko bere kanalera igotzen zituen cover-ak grabatzen zituen. Kantatzea betidanik gustatu izan zaion zerbait izan da, eta, horregatik, asmo handiagoko proiektu pertsonal bat sortzea zuen buruan. Maitasunez, dedikazioz, pazientzia handiz eta mimoz lortzen ari da bere ametsa betetzea eta bere musika eta izena Euskal Herri osoan ezagutaraztea.
Etorkizunean ere, Kai Nakaik abeslari gisa jarraitu nahi du, eta horregatik dio ildo horretan lanean jarraituko duela euskaldun guztientzako hurbileko musika sortzen jarraitzeko. Kai Nakai bera ere genero-indarkeriaren aurkako ahotsa izan da Euskadin. Denbora gutxian, gero eta arrakasta handiagoa du bere publiko leialaren artean.
IBILBIDEA
2020. urtean. Kantatzea betidanik gustatu izan zaion zerbait izan da, eta, horregatik, asmo handiagoko proiektu pertsonal bat sortu nahi zuen.
Lehen urratsak. Txikitan hasi zen musikan, hainbat korotako kide ere izan zen eta gero Youtubeko bere kanalera igotzen zituen bideoak.
ETORKIZUNA
Lortu nahi duena. Etorkizunean ere, Kai Nakaik abeslari gisa jarraitu nahi du, eta horregatik dio ildo horretan lanean jarraituko duela.
