Berbodromoaren 15. edizioa egingo da Getxon maiatzaren 21ean

'Berbodromoa, Irune Etxebarria Atxaren omenez' ekitaldiaren 15. edizioa egingo da Getxon (Bizkaia) maiatzaren 21ean, euskararen erabilera indartzeko eta "indar erakustaldia" egiteko. Goizez Romon egingo da, eta arratsaldez Algortan, Getxoko Udaletik jakinarazi dut enez.

Hain zuzen, 09:00etan eta 11:00etan izango dira goizeko saioak Santa Eugenia plazan, eta 18:00etatik aurrera San Nikolas plazan, Getxoko Udalaren laguntzarekin, Egizu eta Bizarra Lepoan elkarteek eta udalerriko euskaltegiek antolatuta.

Ohi bezala, euskara ikasten ari direnak, euskaraz hitz egiteko aukera gutxi dutenak eta euskaldunak elkartuko dira taldeka, euskaraz eta euskara partekatzeko, jai giroan eta giro atseginean. Talde bakoitzean bost pertsona egongo dira -dinamizatzailea eta lau lagun-, eta gai bakoitzari buruz 15 minutuz mintzatuko dira. Gai baten eta bestearen artean, parte hartzaileak mahaiz mugituko dira, mintzakidez aldatuz.

Hala, eta ildo horretatik jarraituz, prentsa ohar baten bidez azpimarratu dutenez, aurtengo hizketagaiak hurrengo hauek izango dira: 'Leku zatar eta ederren kokapena partekatu?', 'Korrikaren ostean zer?', 'Euskaraz non egin?' eta 'Kultura geldirik dago ala etengabe aldatzen da?'.

Jolasdromoan jolasteko aukera ere izango da, edozein euskara maila izanda, eta 19:30etik aurrera Kantujira izango da Algortan. Parte hartu nahi dutenek izena eman dezakete 619 93 55 41 telefono zenbakiaren eta www.egizu.eus.berbodromoa webgunearen bidez, edo hasi aurretik plazan bertan, ondorioztatu dute.