EiTBren kanpaien emanaldia Gasteizen izango da beste urte batez

Urteberriko kanpai-hotsak zuzenean eskainiko dituzte Gasteizko Espainia Plazatik ETB1, ETB2 eta eitb.eus kateentzat, eta ekitaldiak su artifizialak eta musika bateratuko ditu.

Beste urte batez, euskal irrati-telebista publikoak Euskadiko hiriburua aukeratu du urteko emanaldi bereziena egiteko, eta herritarrak hitzordura joatera gonbidatu ditu Espainia plazatik urteari egiten zaion agurra urteroko tradizio bihurtzeko. 23:00etatik aurrera, mahatsak eta kotiloi-poltsatxoa banatuko dituzte bertaratzen diren eta ospakizunean parte hartzen duten guztien artean.

Hala, eta ildo horretatik jarraituz, Gasteizko Udalak ekitaldia antolatzen laguntzen du. Gonbidapen hori bera zabaldu nahi izan die gasteiztar guztiei, eta mahatsak jatera eta 2026ari harrera bikaina egitera plazara joateko deia egin die herritarrei. 

ETB1en, Ilaski Serranok eta Xabier Usabiagak egingo dute emanaldiaren kontakizuna. ETB2n, África Baetak Sara Gándara izango du lagun. Halaber, bi emanaldiak zuzenean eskainiko dira eitb.eus atariaren bidez.

SU ARTIFIZIALAK

Kanpaikaden ondoren, su artifizial saio batekin emango zaio hasiera urte berriari EiTBko bi telebista kanaletan, eta Aiora Renteriak eta Francisek “Corazón de Tango” abestuko dute elkarrekin, ETBko kanpaien emanaldian

Euskal diseinatzaileak arduratuko dira EiTBko aurkezleak dotore janzteaz. Ilaski Serranok Getaryren jantzia eramango du, eta Xabier Usabiagak, Neu etxekoa. Bestalde, Eder Aurrek África Baetaren eta Sara Gándararen arropa diseinatuko ditu, ondorioztatu dute Gasteizko Udaletik.