Euskotrenek trenen zerbitzu berezia eskainiko du urtarrilaren 2an Sociedad Deportiva Eibar eta Club Deportivo Mirandés taldeen arteko futbol partida dela eta.
Euskotrenek, ohar baten bidez jakinarazi duenez, partidaren ondoren indartuko du bere zerbitzua, eta partidaren aurretik, berriz, joan-etorrien beharrak tren erregularrekin beteko dira.
Partidaren ondoren bi tren berezi aterako dira: Ardantza (Eibar) - Durango 22.50ean eta Ardantza (Eibar)- Elgoibar: 22.50ean. Zerbitzu berezi honen helburua partidara joateko garraio publikoko aukera bat bermatzea da.
Partidaren ondoren bi tren berezi aterako dira: Ardantza (Eibar) - Durango 22.50ean eta Ardantza (Eibar)- Elgoibar: 22.50ean. Zerbitzu berezi honen helburua partidara joateko garraio publikoko aukera bat bermatzea da
Informazio gehiago behar duten erabiltzaileek Euskotrenen telefono honetara dei dezakete: 944 333 333. Geltokietan eta geralekuetan ere informazioa jaso daiteke, baita euskotren.eus webgunean eta Euskotrenen APP ofizialean ere.
BESTE DATU BATZUK
Bestalde, beste gai batzuekin jarraituz, Euskal AEko gizonen eta emakumeen bizi-itxaropenak gora egin zuen 2024ean, Eustaten datuen arabera. Gizonen bizi-itxaropenak 0,5 urte egin zuen gora aurreko urteko balioekin alderatuta, eta 81,7 urtetan kokatu zen; emakumeen bizi-itxaropenak, berriz, 0,4 urte egin zuen gora, eta 87,0 urtetan kokatu zen. Balio horiek jaiotzako bizi- itxaropenaren maximo historikoak adierazten dituzte bi sexuetarako.
Europar Batasun osoarekin alderatzeak agerian uzten du Euskal AEko biztanleriak bizi- itxaropen handiagoa duela: Euskal AEko gizonak, batez beste, Europakoak baino 2,5 urte gehiago bizi dira; emakumeak, berriz, Europakoak baino 2,6 urte gehiago batez beste.
Espainiako datuekin alderatuz gero --herrialde hori Europako bizi-itxaropen handienetako bat izateagatik nabarmentzen da--, Euskal AEk ere zifra hobeak ditu; zehazki, bizi-itxaropena 0,3 urte luzeagoa da gizonen kasuan eta 0,5 urte emakumeen kasuan.
